"CIA" (Contén)

Revista bianual da Federación Coral Galega que comezou a súa edición en outono de 1985. Dirixida por Vicente Rodríguez Abeijón, tentaba servir como canle de comunicación entre os diferentes membros das corais de Galicia. Incluíu información sobre a historia das corais e sobre o movemento coral na comunidade galega e en xeral do resto da Península. Ademais, inseriu partituras e artigos de opinión de destacados expertos en música.

Organización política de carácter asembleario e autodeterminista de esquerda. A súa orixe está na crise da Unión do Pobo Galego (UPG) a principios de 1977, que se saldou coa expulsión dun cento de militantes da súa á esquerda. Algúns destes, como Cid Cabido, Felipe Marzoa, Leónides de Carlos, Méndez Ferrín ou Manuel Pousada, aos que se sumaron Luís Soto, Xosé González, X. M. García Crego e Mª Xosé Queizán fundaron a UPG-liña proletaria que, no seu Congreso Fundacional, decidiu chamarse Partido Galego do Proletariado (PGP), se declaraba marxista-leninista e optaba pola independencia de Galicia. O PGP acordou un programa de mínimos e creou Galicia Ceibe (Organización de Liberación Nacional) como organización de masas. Na VI Asamblea Nacional, en 1983, dezasete dos seus membros, entre os que se atopaban García Crego e Méndez Ferrín, formularon a disolución de Galicia Ceibe e, ao non ser aceptada a súa proposta, abandonaron a organización, continuando a publicación do xornal independentista...

Revista editada no verán de 1992 en Santiago de Compostela. Editada por Alveiro SL, estaba dirixida por Antón Rozas Caeiro. Todos os seus artigos estaban escritos en castelán e ían acompañados da súa correspondente tradución ao inglés. Incluíu información sobre a arte e a arquitectura de Galicia, referencias a museos e pintores, ademais de datos sobre gastronomía e actividades de ocio en Galicia.

Boletín editado en Pontevedra a partir de 1991. Subtitulouse “Pontevedra deportiva”. Incluíu, sobre todo, información relativa ao deporte pontevedrés, cunha especial atención ao equipo de balonmán S D Teucro e ao Pontevedra Club de Fútbol. Ademais, engadiu resultados e clasificacións deportivas das distintas competicións futbolísticas.

Fundación sen ánimo de lucro constituída en Santiago de Compostela e declarada de Interese Galego. Os seus obxectivos son promover, incentivar e executar as accións encamiñadas a potenciar e difundir a galeguidade en calquera parte do mundo, en especial nos lugares onde existan comunidades galegas, e realizar accións tendentes a apoiar galegos e os seus descendentes residentes fóra da Comunidade Autónoma. O seu padroado, baixo a presidencia de honra do presidente da Xunta de Galicia, está presidido polo conselleiro de Emigración e Cooperación Exterior e formada por un representante da consellería de Economía e Facenda, de Sanidade e de Asuntos Sociais e un membro da Comisión Delegada do Consello de Comunidades Galegas. Ademais forman parte do padroado as persoas e/ou entidades que acheguen unha cantidade igual ou superior a 30.000 euros. Conta tamén cunha Asemblea de Colaboradores formada por aquelas persoas e/ou entidades que acheguen unha cantidade igual ou superior aos 3.000 euros.

Revista mensual editada en Bos Aires a partir de xuño de 1954. Cesou a súa edición en maio de 1959 (nº 37). Dirixida por Luís Seoane, na súa elaboración participaron destacados intelectuais galegos, a maior parte deles exiliados, como D. García Sabell, Ánxel Fole, Xulio Camba, E. Blanco Amor, Florentino Cuevillas, I. Díaz Pardo e R. Otero Pedrayo, entre outros. Trátase dunha das publicacións máis relevantes da prensa galega no exterior na que se incluíron crónicas sobre Galicia, biografías, noticias e reportaxes, xunto cunha sección para textos, poemas e recensións literarias. Atendeu tamén aos autores non galegos que escribiron sobre Galicia e engadiu artigos críticos sobre a realidade teatral e cinematográfica en Arxentina. En moitos dos seus artigos defendeu a República española e o Estatuto de Autonomía de Galicia aprobado en 1936. No apartado gráfico, cómpre subliñar os debuxos de Seoane, Maside, Castelao, Cebreiro, Xohán Ledo, Leopoldo Nóvoa e Curtis, ademais das fotografías de Xosé...

Periódico de tendencia nacionalista editado a partir de 1974. Subtitulouse “Voceiro da Unión do Povo Galego” e estaba dirixido aos emigrantes galegos no exterior. Foi o substituto de Terra e Tempo e Denuncia.

Programa radiofónico que comezou a súa emisión o 10 de outubro de 1954 en LS-10-Radio Libertad, de Bos aires. Deixou de emitirse o 18 de abril de 1971. Dirixido polo propio Luís Seoane, máximo responsable da revista homónima, contaba co apoio de Xosé A. Fernández. No programa tiñan cabida as crónicas de feitos galegos en América e servía de canle de comunicación coa Península para coñecer a realidade que se estaba a desenvolver en Galicia. Para estas audicións, Seoane escribiu máis de 850 crónicas.

Periódico editado en Bos Aires a partir de 1901.

Revista da colectividade galega editada en Caracas a partir de xullo de 1967. Dirixida por Celso Emilio Ferreiro, incluíu información sobre Santiago de Compostela e outras cidades galegas, o entroido, os bailes populares e os traxes rexionais de Galicia, referencias históricas aos fundadores da capital venezolana, datos sobre emigración e o desenvolvemento da industria en Galicia.

Revista de carácter literario editada en Ourense a partir de 1889. Fundouna e dirixiuna Xoán Neira Cancela.

Revista mensual aparecida en agosto de 1929 en Barcelona. Subtitulouse “Órgano del Centro Gallego de Barcelona y portavoz de la colonia gallega de Cataluña”. Trátase dunha publicación de carácter societario que, ademais de información xeral sobre a comunidade galega, reproduce poemas e contos de destacados autores galegos.