"CIA" (Contén)

Programa radiofónico presentado a partir de 1988 por Luís Rial. Emitíase ás veces en conexión con diversas emisoras espalladas por Europa e América como Radio Nacional de Panamá, Radio Mar del Plata, Radio Excelsior de Bos Aires, Radio Carve de Montevideo, Radio Universidad Católica de Santiago de Chile, Radio Nacional de Costa Rica, Radio La Exitosa de Panamá e outras emisoras de Laussanne, Marsella, Barcelona e Las Palmas.

Revista de carácter societario editada polo Centro Galego de Vitoria-Gasteiz a finais do s XX.

Exposición de arte galega celebrada no mosteiro de San Martiño Pinario (Santiago de Compostela) en 1991. Promovida pola Consellería de Cultura e Xuventude da Xunta de Galicia, o Arcebispado de Santiago de Compostela e as dioceses galegas, revitalizou o conxunto monumental de San Martiño Pinario, que sufriu unha ampla remodelación e restauración. Constituíu un amplo percorrido polas manifestacións artísticas galegas, escultura e ourivería, dende a prehistoria ata o s XX. Estruturouse en catro bloques: As Raíces, que abrangueu a arte dende a prehistoria ata a romanización; O Camiño, referido ao mundo medieval tomando como eixe o Camiño de Santiago; O Esplendor, dedicado á arte moderna; e A Nova Identidade, que recolleu a arte dos últimos anos.

Programa radiofónico emitido dende 1990 por Radio Mollet, no concello de Mollet del Vallés, en Barcelona. Dirixido por Montse Vilas, pertence ao circulo da ERGaC.

Periódico semanal editado na Coruña a partir de 1910. Cesou probablemente en decembro de 1915. Subtitulouse “Semanario, órgano de Juventud Católica”. A súa tendencia era católica e sindicalista. Incluíu, ademais de artigos políticos, poesías.

Revista de carácter político aparecida na Coruña a partir de 1977. Editada inicialmente polo Partido do Traballo de España e órgano do comité nacional de Galicia, co tempo pasou a depender do Partido do Traballo de Galicia. Dirixida por Xosé A. Caramés, a partir de abril de 1977 ocupou ese cargo Xosé L. Burgos. Incluíu artigos referidos aos problemas económicos e políticos de Galicia, así como referencias á universidade galega e temas de carácter social. No seu interior, inseriu un informe referido a diversos sectores económicos de Galicia.

Programa de TVE Internacional que comezou a súa emisión en xuño de 1993, o máis antigo de todos os programas en antena. Emítese os sábados por La 2, de TVE, en desconexión para Galicia, e os domingos por TVE-Canal América e TVE Internacional-Europa para o resto do mundo. Cun formato magazine, mestura entrevistas e reportaxes onde se tenta reflitir a riqueza paisaxística, gastronómica, lúdica e histórica de Galicia. Ademais, inclúe espacios dedicados á industria, á innovación empresarial e á cultura de Galicia, cos que se tenta achegar a realidade galega a todas as comunidades de emigrantes galegos espallados polo mundo.

-Romero en Mondoñedo. Foi a substituta de El Eco de Puentedeume.

Quincenario editado en Vilalba a partir de 1916. Cesou a súa edición en 1918. Subtitulouse “Revista pintoresca ilustrada” e contiña información sobre agricultura, turismo, socioloxía, arte e literatura.

Boletín editado en Vigo a finais do s XX e subtitulado “Revista del Ilustre Colegio Oficial de Químicos y de la AT de la ANQUE de Galicia”. Dirixida por F. J. Rey Losada, o seu comité de redacción estaba conformado por A. Astray, M. Canitrot, A. García, J. A. Gómez e M. C. Valdés. Ademais de información interna do propio colexio e outra relativa a congresos, cursos e seminarios do sector, incluíu artigos técnicos, referencias a personaxes históricos e bibliografía.

Revista de tendencia católica editada en Pontevedra a partir do 2 de febreiro de 1890. Entre novembro de 1891 e marzo de 1892 sufriu unha pequena interrupción. Cesou probablemente o 26 de novembro de 1892. Subtitulouse “Semanario popular-Utile et Dulce”. Dirixiuna Hipólito Codesido Sánchez e imprimiuse nos obradoiros tipográficos dos herdeiros de Madrigal. Incluíu información de actualidade, agás política, xunto con retratos de persoeiros públicos, poemas e textos literarios.

Periódico de tendencia católica editado en Vigo a partir do 10 de xaneiro de 1919. Cesou probablemente o 3 de febreiro de 1968 (nº 2.636). Subtitulouse “Publicación semanal. Órgano de las instituciones sociales y sindicatos católicos de la diócesis de Tuy”. Dirixírona F. Castro Ferrer, ata 1922, e Victoriano Ballesteros. Ademais dos contidos relixiosos, promocionou o turismo en Galicia e ofreceu información deportiva. Dende agosto de 1936 apoiou o réxime franquista. No apartado literario, cómpre salientar algunhas poesías relixiosas e contos.