"AN" (Contén)

Capital de Cuba e da provincia homónima, situada no NO da illa, na costa do estreito que une a badía de La Habana co mar (2.189.716 h [1999]). A súa expansión demográfica comezou no s XIX cos colonos españois emigrados desde outros países hispanoamericanos; sen embargo, ata o triunfo da Revolución Cubana, o desenvolvemento urbano da cidade foi totalmente espontáneo e non se guiou por unha planificación consciente. Trátase dun núcleo industrial importante e as manufacturas de tabaco e as refinerías de azucre constitúen a principal actividade. O seu porto é o máis importante do país, e tamén destacan as refinerías de petróleo, as industrias químicas, os estaleiros e a industria papeleira. Fundada en 1514, converteuse na cidade principal de Cuba. Porto clave para o tráfico comercial entre América e a Península Ibérica, foi ocupado polos ingleses (1762-1763). Tralo estoupido do navío estadounidense Maine no seu porto (1898), EE UU declaroulle a guerra a España e fíxose co control da illa. Desde...

Provincia de Cuba (5.731 km2; 2.900.000 h [estim 1998]). A capital é La Habana.

Danza e canción de aire crioulo antillano, de ritmo lento e compás de 6/8. Adoita estar acompañada de diferentes instrumentos de percusión. Sebastián Iradier escribiu moitas habaneras de tipo popular, como La Paloma e El arreglito. Foi adaptada á Península Ibérica desde mediados do s XIX. Celébranse festivais de habaneras en diferentes lugares da Costa Brava e en Torrevieja. Incorporárona á música culta Saint-Saéns, Bizet, Albéniz e Montsalvatge.

Aplícase ao cigarro puro elaborado en Cuba con follas de tabaco do país.

ariante gráfica do antropónimo masculino Adrián.

ariante gráfica do antropónimo masculino Adrián.

Xénero de plantas da familia das amarilidáceas. Son plantas herbáceas bulbosas con follas estreitadas nun pecíolo curto, onduladas e carnosas de 15 a 25 cm e dunha cor verde brillante, teñen seis nervacións situadas a cada un dos lados do nervio principal; inflorescencias en forma de umbela, sostidas por grosos escapos dunha coloración que vai desde o escarlata ao branco. Proceden de África meridional e plántanse en tarros e xardíns.

Organización paramilitar dos xudeus en Palestina antes da creación do Estado de Israel. Comezou a funcionar en 1917 para defender os asentamentos xudeus dos ataques árabes e constituíu o primeiro núcleo do exército regular de Israel.

Tratado asinado por Austria, Holanda e Inglaterra en setembro de 1701, ao que en 1703 se uniron Portugal e o Ducado de Savoia, co fin de impedir o acceso de Filipe de Anjou ao trono dos reinos hispánicos para o que apoiaron a candidatura do arquiduque Carlos de Habsburgo. A intervención militar produciuse en 1702 no marco da Guerra de Sucesión Española (1702 - 1714).

Franxas de interferencia orixinadas ao incidir un feixe diverxente sobre unha película de dieléctrico. Teñen a mesma inclinación e obsérvanse en láminas transparentes de caras paralelas. Recibe o nome do seu descubridor, Wilhelm von Haidinger.

Provincia insular de China, na rexión do Centro-Sur (34.000 km2; 7.870.000 h [estim 1999]). A súa capital é Haikou (280.153 h [2000]). Está separada da península de Liuzhou polo estreito de Qiongzhou. O centro e o S, de montañas de granito, están ocupados polos hakka e os maios e a rexión costeira e o N por chineses (2/3 da poboación). A súa economía baséase en explotacións forestais, xacementos de ferro, ouro, estaño e uranio, e cultivos de arroz, caucho, azucre, tabaco, ananás, café e té.