"OCI" (Contén)

Célula da neuroglía que se caracteriza pola posesión dun gran número de prolongacións ramificadas. Hai dous tipos: os astrocitos de radiacións curtas, especialmente abundantes na substancia gris, e os astrocitos de radiacións longas, abundantes na substancia branca dos órganos nerviosos.

Tumor cerebral formado por astrocitos.

Método de cinguido aplicado ás tuberías nas que as abrazadeiras empregadas son dun diámetro lixeiramente maior que aquelas. Ao inxectar auga a presión, a tubería dilátase ata obrigar ás abrazadeiras a ensancharse. A tubería defórmase plasticamente, mentres que as abrazadeiras fano elasticamente, tendendo a retornar ao seu diámetro inicial, o que constrinxe fortemente a aquela.

Célula orixinada por fecundación dentro do proceso de auxosporulación. Unha grande parte das auxosporas das diatomeas corresponden a auxocigotos.

Empresa fundada en Madrid en 1903 para a explotación de fábricas de azucre, refinerías e destilerías.

Entidade bancaria estadounidense constituída en San Francisco no ano 1904 co nome de Banco de Italia; este feito revelaba a orixe do capital, baseado no aforro dos inmigrantes transalpinos. Rapidamente iniciou unha expansión por todo o ámbito estatal. No ano 1930 fusionouse co Banco de América de California para formar a entidade actual. Entrou no mercado español da man do Banco de Santander.

Relativo ou pertencente ao Baxociano.

Segundo piso do Dogger ou Xurásico medio, situado enriba do Aaleniano e por debaixo do Batoniense. Comprende catro zonas de amonitas.

Estudio dos seres vivos a través dun enfoque propio da cibernética, que parte do feito de darlle ás células, organismos e comunidades, a consideración de sistemas.

Composto químico empregado, principalmente en agricultura, para matar organismos vivos que interfiren nas actividades humanas. Segundo o grupo ao que afectan, fálase de herbicidas, insecticidas, rodenticidas e funxicidas. Dependendo da súa especificidade, os biocidas poden afectar a outros seres contra os que, en principio, non ía dirixida a súa acción; por outra banda os non biodegradables persisten na cadea trófica.

Estudio do desenvolvemento dos seres vivos.

Circuíto microelectrónico realizado sobre unha capa de polímero que se grava e que se dopa, despois de estar depositada sobre un soporte illante, cunha técnica semellante ás que se empregan para fabricar os circuítos integrados. O material condutor -certas proteínas naturais ou artificiais- presenta unha gran variedade de propiedades respecto dos tradicionais semicondutores. As dimensións dos elementos destes circuítos permiten unha integración a escala xigantesca (Giant Scale Integration, GSI), e velocidades de transmisión da información da orde de cen veces maior ca a acadada nos circuítos VLSI.

Factor de crecemento que se atopa no lévedo. Está constituída por biotina ligada ao grupo amina, na posición ε da lisina.

Cociña natural ou biolóxica.