"lla" (Contén)

Fortificación situada en Lugo, de planta cuadrangular e cos ángulos suavizados, que ocupa unha zona de terreo topograficamente irregular cunha superficie de 34,4 Ha, e ten un perímetro polo seu camiño de ronda de 2.117 m. Formaba parte dun sistema defensivo completo integrado por un foso, a propia muralla e o intervallum. Os materiais empregados na súa construción foron laxes de lousa e bloques de granito, cun núcleo de morteiro fabricado con terra, pedra solta e cantos, cementado con auga, cun espesor medio de 4,20 m, unha altura que oscila entre os 8 e os 12 m pola súa parte exterior, e cunha lonxitude dos lenzos entre os cubos que oscila entre os 8,80 e 9,80 m ata os 15,90 e 16,40 m. Na súa orixe debeu contar con 85 ou 86 torres, depende da fonte, pero só se conservan 71 cubos, 60 de planta circular e 11 cuadrangulares. Conta con dez portas, cinco de época romana: a Porta Miñá que comunicaba con Iria Flavia (Padrón) e a Porta Falsa, que enlazaba co camiño para Lucus Asturum...

Empresa conserveira fundada en 1994 na Pobra do Caramiñal co obxectivo de crear produtos de calidade. Dedícase á produción de conservas artesanais de produtos do mar e ten como especialidade as delicatessen. Traballa para o mercado estatal, aínda que tamén distribúe os seus produtos nalgúns países da Unión Europea.

ou de l´Hospital (París 1661 - 2.2.1704) Matemático. Discípulo de Leibniz e de Johan Bernoulli, deu a coñecer o cálculo diferencial e integral inventado por Leibniz e estableceu a regra que leva o seu nome.

Edwin Mattison McMillan.

Tecido de algodón orixinario de Madapollam (Hindustān), que se une con tafetá e que se branquea. É de mellor calidade ca o percal e emprégase para a roupa interior branca.

Asalto a Madrid por parte das forzas do xeneral Franco durante a Guerra Civil Española (1936-1939). A batalla tivo tres fases. Primeiro, o ataque á cidade polo S (7-23 de novembro de 1936) pero as tropas non puideron atravesar a Ciudad Universitaria. Despois, do 29 de novembro de 1936 ao 16 de xaneiro de 1937, as tropas franquistas fracasaron no intento de ocupar Madrid polo O, e en febreiro e marzo de 1937 non puideron illar a cidade atacada polo E. Durante esta terceira fase tiveron lugar a Batalla do Jarama e a de Guadalajara.

Parte interior carnosa dalgunhas froitas.

Estreito de América do Sur, descuberto por Fernão de Magalhães en 1520, que separa o continente sudamericano de Tierra del Fuego e comunica o Océano Atlántico co Océano Pacífico. O único porto é Punta Arenas (Chile).

Batalla librada en Magnesia en 190 -189 a C entre os romanos e Antíoco III de Siria. Os romanos conseguiron romper a liña defensiva dos seléucidas grazas á axuda do seu aliado Eumenes II de Pérgamo e tamén a superioridade dos seus lexionarios sobre as falanxes de Antíoco. Este retirouse a Apamea e perdeu o dominio de Asia Menor.

Conxunto de reaccións non enzimáticas que teñen lugar en aminoácidos e azucres redutores. Prodúcese por quentamento ou durante un almacenamento prolongado, e ten un dobre interese no ámbito da tecnoloxía alimentaria xa que é unha das causas da deterioración de moitos alimentos e é un proceso provocado para obter unha aparencia e un sabor característicos.