Madrid, Batalla de

Asalto a Madrid por parte das forzas do xeneral Franco durante a Guerra Civil Española (1936-1939). A batalla tivo tres fases. Primeiro, o ataque á cidade polo S (7-23 de novembro de 1936) pero as tropas non puideron atravesar a Ciudad Universitaria. Despois, do 29 de novembro de 1936 ao 16 de xaneiro de 1937, as tropas franquistas fracasaron no intento de ocupar Madrid polo O, e en febreiro e marzo de 1937 non puideron illar a cidade atacada polo E. Durante esta terceira fase tiveron lugar a Batalla do Jarama e a de Guadalajara.