"Eva" (Contén)

PUBLICACIÓNS

Publicación liberal editada en Vilagarcía de Arousa a partir do 15 de marzo de 1907. Cesou en 1938. Subtitulouse “Periódico regional. Primer diario de Villagarcía”. Dirixírono sucesivamente Francisco Cano e Xoán Gándara. A partir de 1918 o xornal pasou a ser propiedade de Xosé B. Fernández Peón, quen tamén exerceu como director. No período 1923-1929 foi dirixido por Delfín Meis. Malia que as súas vendas descenderan dende 1918, coa chegada da Segunda República colleu certo pulo. Coa Guerra Civil converteuse en voceiro franquista. Ademais da información xeral, incluíu artigos históricos, textos literarios e poemas.

PUBLICACIÓNS

Publicación política editada en La Habana a partir do 5 de xuño de 1916. Dirixida por Eugenio Mañach, converteuse no voceiro dun grupo opositor á Caixa de Aforros. Nos seus artigos loitou contra o caciquismo e denunciou a corrupción da entidade.

PUBLICACIÓNS

Publicación editada en Montevideo a partir do 15 de setembro de 1918. Cesou a súa edición o 11 de xaneiro de 1919. Subtitulouse “Semanario regional”. Dirixida por Xosé María Barreiro, foi o continuador de Tierra Gallega.

PUBLICACIÓNS

Publicación aparecida en Montevideo a partir do 22 de febreiro de 1931. Subtitulouse “Semanario popular da colectividade galega no Uruguai”. Fundado por X. Silva Barros e A. San Román, contou coa colaboración de destacados intelectuais e escritores galegos. Incluíu artigos sobre literatura hispanoamericana, teatro e información xeral de Galicia.

PERSOEIRO

Matemático. Os seus traballos matemáticos foron de grande importancia no desenvolvemento da álxebra. Utilizou na súa teoría de ecuacións os conceptos de grupo e corpo. A teoría de Galois é a parte da álxebra que estudia as extensión dos corpos. Traballou tamén na xeneralización das integrais elípticas.

PERSOEIRO

Escultor e ceramista. Foi autor de Experimentación de las pastas cerámicas para una práctica artística (1995). Realizou numerosas exposicións dentro e fóra de España e participou, entre outras colectivas, nas mostras Keramik Europas, na Feria Internacional de Múnic e no Foro Atlántico de Arte Contemporánea. Membro da Academia Internacional de Cerámica, recibiu entre outros premios a Medalla de Ouro no 46º Concurso de Cerámica da Faenza (1992) e o Premio Escultura Pública Paseo Abandoibarra de Bilbao (1997).

PERSOEIRO

Compositor e musicólogo belga. Foi premiado en Roma (1847) coa cantata flamenga België. Dirixiu a Opera de París (1867-1870) e, dende 1871, o conservatorio de Bruxelas. Escribiu Histoire et théorie de la musique de l’antiquité (1875-1881) e Traité d’harmonie (1905-1907).

GALICIA

Xurista. Doutor en Xurisprudencia pola Universidad Central de Madrid, foi catedrático de diversas disciplinas na Universidade de Santiago de Compostela. Pertenceu á comisión encargada de redactar as observacións do claustro da universidade compostelá sobre o proxecto de instrución pública en 1869. Dos seus escritos destacan De los Censos en la Legislación General de España: Indicaciones (1880) e Proyecto que el vogal de la comisión constituida para emitir informe acerca del derecho foral de Galicia, o denominado así, somete como ponente de la misma comisión al juicio de sus ilustrados compañeros (1889). Foi decano do Colexio de Avogados e da facultade de Dereito, reitor da Universidade de Santiago de Compostela, senador real e membro da Real Academia de Jurisprudencia y Legislación.

PERSOEIRO

Compositor. En 1948 fundou e dirixiu o Conservatorio de Música y Arte Escénico da provincia de Bos Aires. Autor de ballets, sinfonías e pezas para piano, da súa produción destaca Panambí (1940), Estancia (1941), Cantata para América mágica (1960), Don Rodrigo (1964), Bomarzo (1967) e Beatrix Cenci (1971).

GALICIA

Escritor e xornalista. Empregou o pseudónimo de Johan Carballeira e foi membro da Xeración de 1925. Colaborou en diversas publicacións como El Pueblo Gallego, Faro de Vigo, Céltiga, Resol, Cristal, Nós e Vida Gallega. Militante do Partido Galeguista, en 1935 foi elixido secretario local da Agrupación do Partido Galeguista de Bueu e conselleiro por Pontevedra, e en 1936 elixido alcalde de Bueu pola candidatura da Frente Popular. Co alzamento militar do 18 de xullo de 1936, foi obrigado a deixar o seu cargo de alcalde, detido en setembro e condenado a morte o 29 de decembro. Logo de ingresar no cárcere da illa de San Simón (1937), foi fusilado. En 1996 publicouse unha escolma de poemas da súa autoría titulado Cartafol de Poesía.

GALICIA

Escritor. Coñecido como Evaristo de Sela, licenciouse en Filosofía e Letras na Universidade de Santiago de Compostela e foi catedrático de Grego. Publicou Amar (1945) e La reconquista de Vigo en 1809 (1961).

PERSOEIRO

Revolucionario arxentino. Coñecido como Che Guevara, doutorouse en Medicina en Bos Aires (1953). En Guatemala apoiou o goberno do presidente Jacobo Arbenz, e en 1956 estableceuse en México, onde contactou con Fidel Castro e cos revolucionarios cubanos, cos que participou na operación Granma, que iniciou a loita guerrilleira contra as forzas de F. Batista. Tralo triunfo da Revolución Cubana (1959), asumiu a carteira de Industria (1961-1965) e marcou o posterior signo da economía do país. Realizou tamén o labor de embaixador visitando a URSS e China, entre outros países, e interveu nas conferencias de Punta del Este (1961) e Alxer (1963), nas que fixo un chamamento á solidariedade dos pobos do Terceiro Mundo para combater as forzas imperialistas. Incorporado á guerrilla boliviana, foi capturado e executado. En 1997 descubríronse os seus restos na fosa común de Vallegrande, que foron trasladados ao mausoleo da Plaza Ernesto Che Guevara na cidade cubana de Santa Clara. Escribiu Guerra...

PERSOEIRO

Escritor e bispo de Mondoñedo (1538-1545). Membro da orde franciscana, foi predicador, cronista imperial, inquisidor de València e bispo de Guadix (1528-1536). Durante a súa estancia en Toledo litigou cos nobres galegos por cuestións de tipo xurisdicional. A súa influencia na corte decantou as resolucións da chancelería de Valladolid no seu favor. Reaxustou o sistema foral para obter máis beneficios e realizou visitas pastorais á súa diocese para observar os costumes católicos dos seus fieis. Predicador cunha bagaxe metodolóxica e erudita medieval, asimilou e divulgou postulados adscritos ás ideas do Renacemento. Das súas obras destacan Reloj de príncipes o libro aúreo del emperador Marco Aurelio (1529), Menosprecio de la corte y alabanza de la aldea (1539) e Epístolas familiares (1539).

MONTES

Monte do departamento de Ancash, Perú, situado na cordilleira dos Andes. Cos seus 6.746 m de altitude constitúe o teito do país.

MUNICIPIOS

Municipio da provincia de Sevilla, Andalucía, situado ao SO da capital (2.257 h [2001]). É un termo agrícola e gandeiro. Posúe industria conserveira.

PERSOEIRO

Cantante. Máis coñecido como Julio Iglesias, é un artista vinculado con Galicia, xa que o seu pai é natural de Ourense. Foi porteiro do Real Madrid ata que o tivo que deixar por culpa dun accidente. Posteriormente, comezou a cantar e a compoñer as súas propias cancións. En 1968 gañou o Festival de Benidorm coa canción “La vida sigue igual”. Protagonizou a película La vida sigue igual (1969) e representou a España no Festival de Eurovisión de 1971. Gravou numerosos discos en distintos idiomas e entre as súas cancións máis destacadas figuran “Gwendolyne”, “Bamboleo”, “Agua dulce, agua salada” ou “Un canto a Galicia”, homenaxe musical á terra do seu pai. En 1983 recibiu o Disco de Diamantes por ter vendido máis de cen millóns de discos en todo o mundo. Gañador de varios premios Grammy, en 1992 foi nomeado “Embajador de Galicia en el Mundo”. Recibiu numerosos premios e galardóns ao longo da súa carreira, entre os que destacan o Golden Record Award (1995), o Premio Mónaco da...