"ISM" (Contén)

Tendencia artística e literaria que fai prevalecer o técnico sobre o temático. Así, na literatura prímase o estilo, a riqueza da prosa, a orixinalidade das imaxes, o colorido das descricións, etc, que somerxen o lector no ámbito estritamente estilístico. Na pintura pertencen a esta tendencia os movementos creativos que pretenden unha excitación puramente sensorial. A música é a arte onde máis se ten debatido sobre o Atematismo, pois é alí onde se fixo máis explícito, e onde maior senso acada.

Conxunto de probas deportivas baseadas en accións naturais (carreira, salto, lanzamento e marcha), suxeitas á normativa dun regulamento, que teñen como finalidade o desenvolvemento e mellora das calidades físicas das persoas. A primeira referencia histórica a competicións atléticas data do 1829 a C, momento no que xorden os Xogos de Tailte en Irlanda: a lenda relata como o Rei Maghmor, da dinastía Firbolg, casou con Tailte, filla dun Rei da Península Ibérica. Tailte e Magmor non tiveron fillos, polo que adoptaron un rapaz, Lugh, quen, unha vez mortos os reis, creou os xogos para honrar a memoria da súa nai adoptiva. De todos modos, pódense fixar as orixes do atletismo fundamentalmente na antiga Grecia, onde a súa práctica estaba ligada á vida relixiosa, cultural e civil das polei. No ano 1453 a C, inauguráronse os Xogos Panatenienses e no 776 a C celebráronse na cidade de Olimpia os primeiros Xogos Olímpicos, en honor da máxima divindade, Zeus. Nun principio só se celebraban carreiras,...

Corrente doutrinal centrada en Viena, vixente durante o primeiro terzo do s XX, xurdida no seo do partido socialdemócrata austríaco. Tiña un carácter enciclopédico e recuperou aspectos de Kant en filosofía, en teoría do dereito e en política, sen abandonar o Marxismo. Entre os seus membros destacan: Rudolf Hilferding, no campo da economía, Max Adler, en filosofía, Gustav Eckstein, en socioloxía, Karl Renner, en dereito, e Friedrich Adler como líder político. Otto Bauer estudiou o problema das nacionalidades e desenvolveu a teoría da acumulación. O austromarxismo foi moi atacado polo marxismo-leninismo por causa das súas teses reformistas.

Pracer erótico obtido en ausencia de estímulo externo. Pódese producir espontaneamente ou ben como resultado dunha actividade dirixida cara ao propio corpo. Sinala o comezo da sexualidade infantil, e no adulto considérase un comportamento regresivo.

Utilización deportiva do automóbil. O automobilismo desenvolveuse a partir do 1895, cando se percorreu por vez primeira o traxecto París-Bordeos-París. Esta data significou o comezo dun progreso rapidísimo do deporte do automobilismo e popularizou as carreiras por estrada. Despois da tráxica carreira París-Madrid (1903), as competicións empezaron a ser organizadas en circuítos pechados ou autódromos, nos que foron aparecendo as medidas de seguridade que hoxe son regulamentarias. Actualmente se poden clasificar as diferentes probas automobilísticas en: carreiras de velocidade, de resistencia, de montaña, rallyes e autocross. A FIA (Federación Internacional de Automobilismo) organiza anualmente varias probas que puntúan para os campionatos de cada especialidade, entre os cales destacan o Campionato do Mundo de Fórmula 1 e o Campionato do Mundo de Rallye. Na modalidade de rallyes, o coruñés Luís Rodríguez Moya proclamouse Campión do Mundo en dúas ocasións (1990 e 1992) como copiloto do madrileño...

Doutrina que está a favor da concesión da autonomía política ou administrativa, ou as dúas á vez, nun determinado territorio ou comunidade.

Movemento tropístico autónomo mediante o cal un órgano vexetal recupera ou tende a recuperar a posición normal, a dirección de crecemento, etc, logo de ser previamente desviada.

Doutrina de Averroes e dos seus partidarios, que fai referencia especialmente á súa interpretación de Aristóteles. Averroes, que quixo restituír á súa pureza a doutrina aristotélica, non puido evitar nalgúns puntos a influencia dos comentarios neoplatónicos. Deulle á Filosofía unha significación propia, non dependente da fe nin oposta a ela, e tentou precisar as súas relacións coa relixión mediante a afirmación de tres graos de coñecemento: Filosofía -o grao máis elevado-, Teoloxía e Relixión, que representan planos diversos que converxen na mesma verdade. Afirmou a creación eterna do mundo por parte de Deus, que extraería da materia eterna as formas das cousas; tamén a existencia dunha xerarquía de intelixencias separadas, que moverían diversas esferas entre Deus, primeiro motor, e as cousas, compostas de materia e forma; e amais a teoría do intelecto axente, última intelixencia separada, causa do coñecemento intelixible nas ánimas individuais, único para todos os homes, ao cal pertencería...

Ausencia do apéndice xifoideo.

Doutrina oficial do Partido do Rexurdimento Socialista Árabe. Baséase no socialismo e no nacionalismo, e ten como obxectivo acadar a unidade do mundo árabe, rota polas fronteiras impostas por Occidente. O panarabismo, como ideal, arraigou no mundo árabe e os baasistas están nos gobernos de Siria e Iraq.

Movemento relixioso moderno procedente da seita xiíta do Islam, fundado en Persia en 1844 por Mīrzā ‘Alī Mu ḥ ammad de Šīrāz, que se declarou mensaxeiro de Deus e adoptou o título de Bāb. O babismo defende a teoría da revelación progresiva e predica que ningunha verdade é definitiva. Propón unha espiritualización da relixión, unha condición máis elevada para a muller e outras reformas sociais, como a supresión da poligamia, do concubinato e do comercio de escravos. O Bab predicou a chegada dun enviado máis grande que liberaría á humanidade. O éxito da súa predicación tróuxolle a inimizade dos elementos ortodoxos que o acusaron de intentos revolucionarios. Unha vez executado o fundador (1850), o movemento continuou grazas a un pequeno grupo. En 1863 Mīrzā Ḥ usayn ‘Alī (1817-1892) anunciou que el era o enviado predicido por Bāb. Tomou o nome de Bahā’ Alaāh (“Esplendor de Deus”) e o movemento cambiou o nome de babismo...