"Lacio" (Contén)

1. Acción e efecto de manipular.

2. Conxunto de operacións que se poden facer coas mans sen necesidade de efectuar desprazamento.

PERSOEIRO

Músico. Dirixiu o Orfeón Burgalés (1929-1936) e a Escuela Municipal de Música de Burgos. Das súas obras destacan Sonata Castellana (1921), Poemas de Juventud (1923), Sonata Gallega (1926), Sonata para guitarra (1933), Colección de cantos populares burgaleses (1932) e El mozo de mulas (1936). Recibiu o Premio Nacional de Música por unha extensa e documentada Colección de Cantos Populares Burgaleses e o primeiro premio da Sociedade Filharmónica da Coruña (1927) por Sonata Gallega.

1. Produción de medula ósea.

2. Adquisición dunha vaíña de mielina por parte das fibras nerviosas en proceso de desenvolvemento.

1. Acción e efecto de modular.

2. Uso de formas que só aparecen nunha sucesión gramatical de morfemas.

3. Paso dunha modalidade ou dunha tonalidade a outra. A modulación pódese efectuar dunha tonalidades aos seus tons veciños ou a outros máis afastados.

4. Proceso mediante o que se modifica algunha das características dunha onda, denominada portadora, co fin de mellorar a transmisión, desde un emisor a un receptor, da información contida na outra onda, denominada moduladora. A onda modificada é a modulada. A onda portadora, de frecuencia moito máis elevada ca da onda moduladora, é polo xeral sinusoidal, cunha amplitude, unha frecuencia e unha fase determinadas. Segundo a característica modificada, fálase de modulación de amplitude (AM) ou ben de modulación angular, que pode ser de frecuencia (modulación de frecuencia, FM) ou de fase (modulación de fase, PhM). A modulación produce unha onda complexa que se pode descompoñer en diversos compoñentes de frecuencias diferentes. Na onda oduladora aparecen, ademais da da portadora, unhas frecuencias simétricas respecto á portadora, denominadas frecuencias laterais. Se o sinal modulador ocupa unha certa banda, entón aparecen dúas...

1. Acción e efecto de mutilar ou mutilarse.

2. Delito que consiste no corte ou inutilización dunha parte do corpo dunha persoa. É gravemente castigado por todas as lexislacións salvo cando se trata de transplantes de órganos practicados segundo a lexislación vixente ou de esterilizacións e cirurxía transexual co consentimento do interesado. Foi penado especialmente cando se recorría a ela para evitar o servizo militar.

1. Acción e efecto de nivelar ou nivelarse.

2. 1. Conxunto de operacións que se realizan para atopar as diferenzas de altitude entre dous puntos ou máis do terreo, con relación a un plano de referencia horizontal.

   2. nivelación barométrica

      Nivelación que indica a altitude dos puntos en función dos valores de presión atmosférica que cada un soporta. É o método menos preciso, e só se emprega cando non se pode recorrer a ningún outro.

   3. nivelación composta

      Nivelación, referida a un mesmo plano de comparación, que se determina cando se utilizan dúas ou máis estacións. O mellor método de nivelación composta é o de nivelación recíproca, que consiste en facer a lectura desde un primeiro punto coa mira posta sobre un segundo e viceversa. A altura do aparato determínase nos dous puntos e a diferenza de altitude obtense da conxugación entre estes valores e as lecturas feitas. Por este método elimínanse os erros instrumentais e os erros a causa da esfericidade da Terra e da refracción da luz.

   4. nivelación simple

      Nivelación referida a un mesmo plano de comparación, que se mide por medio dunha soa estación do aparato. O mellor método de nivelación simple é o método do punto medio, que se realiza coa colocación do aparato sobre a aliñación AB que forman os dous puntos e á mesma distancia de ambos os dous. Ao facer a lectura das dúas miras, colocadas unha en cada punto, é máis alta aquela en que a lectura é menor, e a diferenza de altitude é a das lecturas: Z = L<J>A</J> - L<J>B</J>. Por este método anúlanse automaticamente os erros instrumentais e os que producen a esfericidade da Terra e a refracción da luz. No método do punto extremo, menos preciso que o anterior, colócase o aparato nun dos puntos e a mira noutro, mídese a altura do aparato e faise a lectura da mira. A resta destes dous valores corresponde á diferenza de altitude entre os dous puntos.

   5. nivelación trigonométrica

      Nivelación en que se dirixen visuais inclinadas ás miras que se colocan nos puntos que se nivela. Mídese o ángulo que forma a visual co horizontal e determínase a diferenza de altitude resolvendo o triángulo rectángulo formado en cada lectura. Este método segue en precisión e en uso á nivelación xeométrica, e os aparatos que se utilizan son o clisímetro e o eclímetro.

   6. nivelación xeométrica

      Nivelación en que se encontra a diferenza de altitude entre dous puntos que dirixe visuais horizontais ás miras colocadas nos puntos respectivos. A diferenza das lecturas feitas dá o desnivel existente. É o método máis empregado e o máis preciso que existe.

1. Acción de ofrecer algo a Deus, especialmente o pan e o viño da Eucaristía.

2. Ofrenda espontánea dos fieis durante a misa ou en ocasión doutros sacramentos, como acto de culto e de devoción.

3. Acto ou rito mediante o que se consagra unha persoa a Deus como oblato.

1. Turbación do xuízo.

2. Trastorno mental que consiste nunha perturbación da consciencia, nunha particular lentitude de pensamento, diminución da vixilancia e da atención e nunha importante torpeza nas funcións motoras.

3. Escurecemento enfermizo da vista.

1. Acción e efecto de ondular.

2. Sucesión de alturas e depresión no relevo dun terreo.

3. 1. Movemento de vaivén nun fluído elástico propagado entre as súas partículas sen que estas se trasladen na dirección da propagación.

   2. Movemento da auga do mar que se produce, especialmente, polos ventos, que forman ondas que poden ser duns cantos centímetros de altura, ou chegar a dimensións espectaculares, no caso dunha tempestade, e por fenómenos tectónicos que poden orixinar tsunamis.

1. Obstrución ao paso de materia sólida, líquida ou gasosa polas vías excretoras do corpo.

2. Estado de amenorrea das mulleres.

1. Acción e efecto de oscilar.

2. Cada un dos movementos de ida e volta dun corpo que oscila.

3. ariación periódica dunha magnitude dun sistema físico que se inicia provocando, mediante un axente exterior, unha desviación dunha certa amplitude desta magnitude respecto ao seu valor estable ou de equilibrio. No caso ideal de que o sistema físico estea illado do seu contorno, unha oscilación, unha vez iniciada, perdura indefinidamente coa amplitude inicial. Nun sistema non illado, a oscilación é amortecida e a amplitude decrece exponencialmente co tempo. Cando o axente exterior que provoca a oscilación varía co tempo, ten lugar unha oscilación forzada, neste caso, se o período da oscilación da magnitude e o do axente exterior é o mesmo, prodúcese unha resonancia.

4. ariación da liña de costa no decurso do tempo. Neste proceso interveñen factores diversos, como a tectónica, a erosión, a acumulación de sedimentos ou as oscilacións do nivel mariño.