"Az" (Contén)

Construción situada en Salceda de Caselas. Ten forma de U con dous andares, que se comunican por unha escaleira cunha solaina con balaustrada. Destaca a porta de entrada ao predio, flanqueada por dous cubos, con cruces sobre remates semiesféricos, e o escudo de armas dos Correa. Nos arredores conta cun hórreo e unha capela de planta rectangular.

Construción situada no Obre (Noia). Data de principios de 1900 e aproveitou materiais e elementos doutras épocas. Na fachada ten dúas torres de planta cadrada entre as que se dispón a fachada. Nun patio consérvase o claustro románico do antigo mosteiro de San Xusto de Toxos Outos (Lousame), que foi trasladado en 1920. O seu estilo imita a arquitectura barroca compostelá. Aínda que existen referencias documentais do s XVI, o seu estado actual débese aos vizcondes de San Alberte.

Construción situada en Santiso. Trátase dunha gran vivenda de planta rectangular que destaca pola súa gran cheminea. Nun lado conta cun patio cuberto e nos arredores están os hórreos e un pombal.

Construción situada en Sancovade (Vilalba). Está formada por varios corpos engadidos en distintas épocas. Na planta baixa ten portas de entrada ao pazo e á capela. Na fachada destacan os lenzos que enmarcan os vans. Sobresae o balcón con ménsulas de pedra nun dos laterais. Os muros son de cachotaría de lousa.

Construción situada en Couso de Limia (Sandiás). Está formado por dous edificios anexos construídos en diferentes épocas, un a mediados do s XVI e outro cara a 1758. Presentan planta baixa e primeiro piso, e o máis antigo ten un patio interior. Ten unha capela separada da edificación, datada en 1670.

Construción situada na Silvarredonda (Cabana de Bergantiños). Das súas ruínas só se conserva unha torre de planta cadrada e remate ameado. O acceso realízase a través dun arco de entrada de medio punto. Na parte frontal leva unha pedra de armas que alude aos Bermúdez, Castro e Rioboo.

Construción situada en Rutis (Culleredo). Ten planta rectangular formada por dous corpos laterais de dous pisos e faiado, e un corpo central de dúas alturas. De composición simétrica, destaca o soportal e a galería do sueste. Na fachada principal conserva un escudo de Linares Rivas. A propiedade está amurallada e ten un gran portal á entrada.

Construción situada en Moreiras (Toén). Foi edificado sobre un forte desnivel do terreo que se salvou cun muro de contención. De planta rectangular, ten dous andares. O acceso ao piso superior realízase por unha escaleira en forma de L que se localiza no patio. No patio ergueuse unha capela, un hórreo e a casa dos caseiros. Non ten pedra de armas.

Construción situada en Santa María de Salceda (Salceda de Caselas).Ten planta en forma de U e dúas alturas; á principal accédese por unha dobre escalinata con solaina, sostida por columnas e cunha balaustrada. O recinto completouse cun hórreo e unha capela exenta de grandes proporcións e planta rectangular, e está rodeado dunha muralla cun gran portal de acceso que leva o escudo de armas dos Correa.

Construción situada en Portas. Fundado cara a 1600 por Luís Mosquera, conta cun edificio principal, un patio e distintos edificios secundarios anexos ao muro de peche. Destacan os tres escudos do portón coas armas dos Caamaño, Somoza, Pereira, Figueroa e Mosquera, entre outros. Nas súas proximidades sitúase a capela e unha torre que delimita o patio.

Construción situada en Castelo (Taboada). Ten planta en forma de L cun patio aberto con arcadas en dúas frontes de arcos e con corredor no primeiro andar ao que se accede por unha escaleira exterior. Ten balaústres e antepeito sobre o que descansan columnas cortas e cadradas. Desde a planta nobre accédese á tribuna da capela. Na parte posterior, entre os cubertos e a vivenda dos caseiros, atópase a torre de planta cadrada que puido pertencer, xunto a vivenda dos caseiros, a unha edificación anterior. Conta cunha fonte de granito que ten a data de 1788.

Construción situada en Calvor (Sarria). Conta con tres corpos, dous laterais e un central, e unha torre de maior altura ca os demais corpos con tres pisos. Realizouse en cachotaría de lousa agás nas partes nobres, onde se construíu en cantaría de granito.

Construción situada en Corzáns (Salvaterra de Miño). Construída en cantaría, ten planta en forma de L e leva anexada unha torre de planta cadrada. Provista de vans rectangulares, destaca o portal da entrada e o muro, con remate en pináculos e un escudo.

Construción situada en Piadela (Betanzos). De estilo neoclásico, foi construída en 1728 e ten planta en forma de escuadra con dúas alturas. Na fachada principal destaca o escudo de armas de X. Sánchez Vaamonde, arcediago da catedral de Santiago de Compostela.