"AP" (Contén)

1. Alteración dunha palabra por adición (prótese, epéntese, paragoxe), subtracción (aférese, síncope, apócope, elisión), por transposición de letras (metátese) ou por contracción de letras ou sílabas (contracción, sinérese).

2. Cambio de xénero dunha palabra.

PERSOEIRO

Teólogo alemán. Contribuíu á difusión do tema do antropocentrismo, entendido a través do manifesto Cristliche Anthropozentrik (Antropocentrismo cristián, 1962). En Glaube in Geschichte und Gesellschaft (Fe na historia e sociedade, 1977), sinalou a dobre estrutura mística e política da teoloxía.

PERSOEIRO

Emperador de Oriente (1071-1078), fillo e sucesor de Constantino X. O seu reinado foi unha sucesión de desastres: insurrección dos búlgaros, incursións dos pechenegos en Macedonia e Tracia ou revoltas dos selxúcidas en Armenia. Impotente para afrontar unha situación tan difícil, abdicou e abrazou o estado eclesiástico.

CIDADES

Cidade do estado de Minnesota, EE UU, que está situada á beira do Mississippi (382.618 h [2000]). Forma unha conurbación coa cidade de Saint Paul, que está situada na outra beira do río. É un centro comercial e unha área de cultivo extensivo de trigo, con industrias de maquinaria agrícola, alimentaria, de material eléctrico e de material de transporte.

1. Relativo ou pertencente aos miriápodos.

2. Artrópodo da superclase dos miriápodos.

3. Superclase de artrópodos terrestres, do subfilo dos mandibulados. A cabeza presenta un par de antenas, outro de mandíbulas e un ou dous pares de maxilas. A parte dos ollos simples, situados na cara dorsal do segmento cefálico, poden ter outros órganos sensoriais como o órgano de Tömösvary. Teñen un ou dous pares de patas por segmento, segundo os grupos e o último segmento sen patas pode ter apéndices ou cercos caudais. O corpo presenta un revestimento quitinoso, moi brando nalgúns grupos. Todos son terrestres, lucífugos e aliméntanse de vexetais, ou ben son carnívoros.

CIDADES

Cidade do estado de Uttar Pradēsh, India (169.368 h [1991]), situada na beira dereita do río Ganxes. É un centro de industria téxtil e relixioso.

PERSOEIRO

Naturalista. Coñecido como cabaleiro de Lamarck, foi discípulo de Bernard de Jussieu, e en 1778 publicou a súa obra Flore française, onde utilizou por primeira vez unha clave dicotómica para clasificar as plantas. O conde de Buffon, interesado polo seu traballo, confioulle unha misión científica por Europa central para enriquecer as coleccións de plantas do Jardin du Roi. En 1794 foille concedida a cátedra de zooloxía do museo de ciencias naturais, co cargo de clasificar as coleccións de animais inferiores. Da súa obra destacan Philosophie zoologique (1809), onde expuxo as súas ideas sobre os seres vivos e formulou a primeira teoría positiva sobre a evolución, e Histoire naturelle des animaux sans vertèbres (1815-1822), onde recolleu os seus coñecementos sobre invertebrados e puxo os fundamentos da súa clasificación sistemática.

GALICIA

Compositor e director de orquestra. Foi un dos máis importantes representantes do que se coñece como “Nacionalismo musical galego”. Comezou a carreira sacerdotal no seminario da súa cidade natal, no que formou un coro e compuxo obras de carácter sacro. Posteriormente deixou a vida relixiosa, aínda que permaneceu unido aos medios eclesiásticos; así, chegou a mestre de capela e organista da catedral de Lugo. Nesta cidade, foi o divulgador da música culta, dando a coñecer aos lucenses obras sinfónicas, de cámara e corais, que el mesmo interpretaba ao piano e ao órgano, cunha pequena orquestra, grupos de cámara ou coa banda municipal. Fundou en 1879 o Orfeón Lucense, logo rebautizado como Orfeón Galego, co que acadou triunfos en moitos certames. Tamén cómpre sinalar o seu labor de folclorista, ao colaborar na recollida de cantos populares con Casto Sampedro e Felipe Pedrell, para os seus respectivos cancioneiros (Cancionero Musical de Galicia e Cancionero Popular Español)....