"An" (Contén)

PERSOEIRO

Teólogo e pastor luterano sueco. Profesor de teoloxía en Lund (1924-1949), foi bispo desta cidade entre 1949 e 1958. Ecumenista destacado, foi membro do comité central na Asemblea de Amsterdam en 1948 e foi o primeiro presidente da Federación Luterana Mundial (1947-1952).

PERSOEIRO

Compositor, instrumentista e musicólogo. A súa obra reflicte o seu gusto polo minimalismo, sobre todo nas combinacións de estruturas rítmicas repetitivas con músicas do Renacemento e do s XIX. Insatisfeito coas tendencias ortodoxas do modernismo internacional, Nyman deixou de compoñer en 1964 e dedicouse á musicoloxía para a edición da música de Purcell e Haendel. En 1977 fundou a Campiello Band, que máis tarde cambiou o seu nome polo de Michael Nyman Band, e coa que creou un estilo compositivo baseado en fortes melodías, ritmos flexibles e directos, e cunha execución de conxunto moi precisa. Compositor de obras escénicas como The Man Who Mistook His Wife For a Hat (1986), realizou numerosas bandas sonoras, das que cómpre salientar as dos filmes The Draughtman’s Contract (1982), Prospero’s Books (1991), The Piano (1993), Ravenous (1999) e Luminal (2004).

CIDADES

Cidade do estado de California, EE UU, que forma parte da aglomeración de San Francisco (399.484 h [2000]). Está situada ao L da baía de San Francisco e ocupa a chaira que se estende desde a baía ata a Cordilleira da Costa. É un porto importante e un núcleo industrial destacado en metalurxia, industria química, da madeira e alimentaria, e na refinaría de petróleo.

PERSOEIRO

Político e militar colombiano. Foi oficial realista e uniuse aos independentistas en 1822. En 1820 alzouse contra Simón Bolívar. Vicepresidente da República de Nueva Granada en 1831, en 1836 sublevouse contra José Ignacio de Márquez e marchou ao exilio. Ao seu regreso foi gobernador de Cartagena (1850). En 1853 acadou a presidencia da República pero en 1854 foi destituído. En 1860 apoiou a revolta de Tomás Cipriano Mosquera e morreu na loita.

MUNICIPIOS

Municipio de Nafarroa localizado na comarca de Valdizarbe (785 h [2001]). Está situado á beira do Camiño Francés de peregrinación a Santiago de Compostela, e destaca a ermida de Nuestra Señora de Arnotegui, onde ten orixe a lenda do Misterio de san Guillén e santa Felicia. Segundo a lenda, a princesa santa Felicia de Aquitania decidiu abandonar o mundo á volta de peregrinar a Santiago de Compostela. O seu irmán Guillén, tratou de disuadila, e ao non conseguilo, nun ataque de ira, matouna. Arrepentido, peregrinou a Santiago de Compostela e ao seu regreso quedou en Obanos como penitente.  A Fundación Misterio de Obanos fai unha representación teatral da lenda coa participación dos veciños do pobo.

PERSOEIRO

Virxe. Sábese pouco da súa vida e crese que morreu en Toledo, onde se conservan reliquias súas. Na iconografía leva un libro nunha man e na outra unha azucena ou flor de lis, atributo frecuente nas virxes do románico e gótico. A súa festividade celébrase o 5 de setembro.

PERSOEIRO

Científico alemán. Está considerado un dos abandeirados da astronáutica teórica. Cursou estudos de física e de matemáticas en Múnic e exerceu a docencia de grao medio. En 1930 fixo o ensaio do foguete propulsor “Kegeldüse” no Instituto de Química Técnica de Plötzensee, axudado por Wernher von Braun. Publicou obras polémicas que serviron de base ao desenvolvemento da “V-2” alemá, e traballou, durante a Segunda Guerra Mundial, na estación experimental de foguetes de Peenemünde. Recibiu o premio Robert Esnault Pelterie-Hirsch (1930), e o premio G. Edward Pendray da American Rocket Society (1956).

PERSOEIRO

Pintor. Naturalizado colombiano, formouse en Boston (1939-1940), en Barcelona e en diversas capitais europeas. Chegou a Colombia en 1946 e foi decano da Escuela de Bellas Artes de Bogotá e da de Barranquilla. Influído polo expresionismo abstracto, evolucionou cara a un decorativismo colorista. Da súa obra destaca Cóndores y Mojarras (1959).