"Erica" (Contén)

Convenio bilateral, asinado en 1988, para crear unha zona de libre comercio, entre o Canadá e os EE UU. No ano 1992, os dous membros e México acordaron crear a North American Free Trade Agreement (NAFTA), tamén zona de libre comercio.

Partido político peruano fundado por Víctor Raúl Haya de la Torre no 1924. Foi concibido nun principio como unha fronte ampla de tipo populista que proxectaba a unidade latinoamericana, pero desde 1927 Haya de la Torre transformou o movemento nun partido de organización monolítica baixo o seu control. Estableceu seccións en Cuba, Perú, México, Costa Rica e Arxentina, pero desde 1931 foi exclusivamente peruano. Visto con hostilidade pola oligarquía e o exército, o APRA venceu nas eleccións dese ano en Perú, pero os resultados foron manipulados por Sánchez Cerro. En 1945 conseguiu tres ministerios no goberno de J. L. Bustamante. Foi perseguido durante o goberno do Xeneral Odría (1948-1956). Alán García, que dirixiu o APRA desde 1982, reconduciu o partido e deulle unha orientación socialdemócrata. En gañando as eleccións de 1985, García asumiu a presidencia do estado, pero nas eleccións de 1990 o APRA foi derrotado pola coalición Cambio 90, liderada por Alberto Fujimori.

Gran canal de irrigación do S de California, EE UU de 129 km de lonxitude. Construído entre o 1934 e o 1940, no marco da política de grandes obras públicas da época do New Deal, comeza no Imperial Dam, no río Colorado, e chega no seu final preto de Calexico.

Subcontinente formado pola parte de América comprendida entre os istmos de Tehuantepec, en México, e de Panamá. Os seus límites físicos son, ao N, a cordilleira Neovolcánica, en México, e ao S, o val inferior do Atrato, en Colombia. Comprende as repúblicas de Guatemala, O Salvador, Honduras, Nicaragua, Costa Rica, Panamá, coa Zona do Canal, e Belice. Inclúese, tamén, o rosario de illas antillanas.

Subcontinente formado pola parte setentrional de América, ao N do istmo de Tehuantepec; practicamente, estableceuse o límite entre América do Norte e América Central na fronteira de México con Guatemala e Belice. Seguindo, pois, criterios económicos, políticos e culturais denomínase América do Norte o conxunto de rexións americanas ao N do Río Grande do Norte, con exclusión das illas do Caribe.

Subcontinente formado pola parte meridional de América, ao S do istmo de Panamá. Fisicamente o límite entre América do Sur e América Central pode estar establecido nos relevos máis setentrionais da cordilleira de Bandó e no val inferior do Atrato, polo que unha pequena zona do NO colombiano formaría parte de América Central. Seguindo, pois, criterios políticos, o límite entre estes dous continentes atópase na fronteira entre Colombia e Panamá.

Seguindo criterios económicos, políticos e sociais, conxunto de rexións americanas, continentais ou insulares, ao S do Río Grande do Norte. Seguindo criterios culturais e históricos, América Latina comprende soamente os países colonizados por españois e portugueses ao S dos actuais EE UU. Tamén se coñece co nome de Latinoamérica.

O maior provedor de servicios de Internet do mundo. AOL ten base na cidade de Viena, en Virxinia, EE UU. Ofrece aos seus subscritores correo electrónico, conferencias, software, apoio sobre ordenadores, revistas e periódicos interactivos, clases en liña ou acceso a Internet, entre outros produtos. AOL mercou en novembro de 1998 unha das compañías emblemáticas do sector, Netscape, nunha espectacular operación que lle permitiu gozar do navegador Communicator e do centro de servicios NetCenter da empresa absorbida. Esta fusión por compra foi empregada como argumento por Microsoft, a multinacional de Bill Gates, para defenderse das acusacións de monopolio.

Juan Carlos Pérez Sánchez.

Nome da máis importante competición de regatas de vela en mar aberto. Foi o veleiro estadounidense América que deu nome á competición ao gañar no ano 1851 a proba da illa de Wight.

Situada no litoral da parroquia de Panxón, no concello de Nigrán, na ría de Baiona. Limítana o río Muíños polo N e Lourido polo S. Tamén se coñece como Praia de Lourido.

Revista mensual xurdida na Coruña en 1921 e subtitulada “Revista Comercial Ilustrada Hispanoamericana”. Foi a continuadora do Boletín de Casa América Galicia (1920) editado tamén na Coruña. Colaboraron nela Lois Peña Novo e Ramón del Cueto, entre outros. Contiña publicidade, novas sobre América e Galicia na súa sección “Informaciones americanas” e datos sobre publicacións e premios. A partir de setembro de 1922 pasará a chamarse Revista de Casa América-Galicia.

Compañía norteamericana de transportes aéreos fundada en Nova York en 1930 e reorganizada en 1934.

Grupo editorial, de radio e televisión norteamericana. Fundada no ano 1943, é unha das canles privadas máis importantes dos EE UU. En 1985 foi adquirida por Capital Cities e en xullo de 1995 adquiriuna a compañía Disney. A súa central está na cidade de Nova York.

Empresa norteamericana fundada en 1901 en Nova York como resultado da fusión de 65 empresas. O seu obxectivo era monopolizar toda a actividade norteamericana da embalaxe.

Sociedade de químicos dos EE UU convertida na máis importante do mundo polo número de membros e pola calidade e difusión das súas publicacións (entre outras: Analytical Chemistry, Journal of the ACS e Chemical Abstracts).

Empresa norteamericana fundada en 1908, dedicada á obtención de cianamida cálcica e, dende 1916, á fabricación de produtos químicos derivados. Situada nas cataratas do Niágara, utiliza a súa forza motriz como fonte de enerxía.

Sociedade de investigación económica fundada nos EE UU en 1885 por un grupo de economistas novos (entre os máis destacados figuran R.T. Ely, E. Seligman e H.C. Adams), decididos a renovar o pensamento económico do país, estancado nos tempos finais da ortodoxia clásica. Influída pola escola histórica alemana, adoptou nunha primeira etapa unha tónica vagamente socialista e reformista, que perdeu rapidamente ante a influencia do denominado Marxinalismo, representado por John Bates Clark, e adoptou posteriormente unha oposición ecléctica e aberta.