"Bearn" (Contén)

País do SO da Gascoña (Francia) que abrangue unha superficie de 4.750 km2 na metade oriental do departamento francés dos Pireneos Atlánticos. Esténdese entre a zona axial pirenaica e o río Ador. Reúne dúas áreas xeográficas: a rexión pre-pirenaica, onde se alternan vales e outeiros, e a alta montaña. O desenvolvemento do complexo petroquímico de Lacq permitiu revitalizar a rexión, aínda que a economía do Bearn continúa a depender dos seus produtos agrícolas. A capital é Pau. O vizcondado de Bearn, englobado dentro do ducado de Gascuña, fundouse no s IX trala fusión de pequenas unidades territoriais da Novempopulania galorromana. A Guerra dos Cen Anos levou ao vizcondado a unha autonomía que non tardou en transformarse en soberanía virtual. Durante o s XVI, os sucesivos enlaces matrimoniais dos soberanos bearneses coa familia real francesa fixeron de Bearn o centro administrativo dun pequeno estado soberano onde o tráfico comercial era a base da prosperidade. No ano 1620, Luís...

Produción española baseada na novela homónima de Llorenç Villalonga, realizada en 1983 por Jaime Chávarri. Entre os actores figuran Fernando Rey, Ángela Molina, Amparo Soler Leal e Imanol Arias. As lembranzas do capelán Juan Mayol, protexido dos señores Bearn, na Mallorca de mediados do s XIX, serven para a análise da sociedade aristocrática da illa. Un asasinato, unha misteriosa muller, Xima, e uns papeis gardados na sala das bonecas da mansión dos Bearn fundamentan unha historia que procura a analoxía coa famosa Il Gattopardo (1963) de Luchino Visconti.