"Gerena" (Contén)

PERSOEIRO

Poeta pertencente á escola galego-castelá. Activo aproximadamente entre 1365 e 1400 na corte de Xoán I, perdeu o favor real logo de casar cunha mourisca e renegar do cristianismo para converterse en mahometano. No Cancionero de Baena, recóllense trece poemas da súa autoría; cinco son composicións amorosas -nas que retoma a tradición provenzal máis clásica- e o resto relixiosas, tanto de loanza a Deus como gozos á Virxe María.

MUNICIPIOS

Municipio da provincia de Sevilla, Andalucía, situado no alto val do río Guadiamar (5.405 h [1996]). Ten agricultura (cereais, acelgas e oliveiras) e gandería (ovina e porcina). No sector industrial destacan as explotacións de granito. Do seu patrimonio cultural cómpre salientar as igrexas da Inmaculada Concepción e de San Benito.