"Itacio" (Contén)

1. Acción e efecto de provocarse a un mesmo algún sentimento, paixón ou movemento.

2. Nun xerador eléctrico, produción da corrente precisa para a propia excitación. Cómpre que os núcleos dos indutores teñan algún magnetismo remanente que inicie a corrente de excitación cando a máquina comeza a xirar. Emprégase nos xeradores de corrente continua (dinamos), mentres que nos alternadores se adoita dispoñer dunha máquina excitatriz acoplada axialmente a este, pero tamén se pode aproveitar a corrente alterna para a excitación mediante rectificadores.

1. Acción e efecto de axitar ou axitarse.

2. Estado de desacougo anímico provocado pola emoción, a angustia, o medo ou calquera sentimento intenso.

3. Actitude da xente que se opón ou rexeita unha situación social coa que non está de acordo.

4. Movemento desordenado dos electróns libres nun tubo electrónico, por causa do quecemento dos electrodos.

5. Operación física, que se realiza nun axitador, consistente na produción de movementos irregulares e turbulentos nunha masa fluída, co fin de acelerar un proceso de mestura ou de transferencia. En todo proceso de axitación interveñen tres factores: forma da corrente do fluído orixinada polo movemento do axitador, cantidade de fluxo e grao de turbulencia. O tipo de fluxo depende principalmente da forma do axitador e do recipiente.

6. Movementos irreflexivos, continuados e desordenados, que van acompañados dunha ampla sintomatoloxía psíquica; responden a impulsos instintivos ou afectivos variables, segundo as circunstancias patolóxicas en que se atopa o individuo. Nas formas graves, os actos da persoa axitada poden ser dunha gran violencia e chegar incluso á agresividade.

7. Movemento desordenado que, en función da temperatura, presentan as moléculas de calquera substancia. Ao quecer un sólido aumenta a axitación térmica das súas moléculas ata vencer as forzas de cohesión que as manteñen unidas, pasando ao estado líquido; se a temperatura segue a aumentar, o movemento chega a ser tan intenso que as moléculas se independizan pasando ao estado gasoso.

MUNICIPIOS

Municipio da provincia de Sevilla, Andalucía, situado ao SO de Sevilla (62,55 km2; 4.950 h [1996]). A súa economía baséase na agricultura (oliveira e vides) e na gandería ovina e porcina. No termo está a ermida de Nuestra Señora de Cuatrohabitan, edificada sobre unha antiga mesquita almohade da que se conserva o minarete.

1. 1. Acción e efecto de citar. Ex: A citación para comparecer nos xulgados chegoulle a primeira hora da mañá.

   2. citación de evicción

      Citación que se fai ao vendedor cando chega o momento da evición.

   3. citación de remate

      Dilixencia de xuízo executivo a través da que se dá un termo ao debedor para se opoñer á demanda.

   4. citación xudicial

      Convocatoria emitida por un xuíz ou tribunal a unha dilixencia xudicial -co lugar, data e hora de comparecencia-, para que alguén, nun prazo fixado, compareza nun proceso co fin de responder á acción que lle é proposta ou para pronunciarse acerca do obxecto que lle é proposto.

2. Escrito no que se notifica esta orde. Ex: Mentres lía a citación tremíanllle as mans.

1. Acción de cohabitar.

2. Obriga xurídica nacida da natureza do matrimonio e que se constitúe sobre o feito de que os dous membros da parella vivan nunha mesma casa e nun mesmo leito. A imposibilidade de cohabitar produce unha presunción contra a paternidade.

3. Situación na que formacións políticas de tendencias opostas comparten distintas instancias do poder.

1. Acción e efecto de crepitar.

2. 1. crepitación cutánea/crepitación nívea

      Ruído semellante ao de pisar a neve e que se oe ao presionar a pel nos casos de enfisema subcutáneo.

   2. crepitación ósea

      Vibración producida polo rozamento dos extremos fracturados dun óso.

   3. crepitación pulmonar

      Ruído característico producido nas vías respiratorias en certas enfermidades.

1. Acción ou efecto de debilitar ou debilitarse.

2. Transformación dun son noutro por comodidade articulatoria, xa que o novo non supón un esforzo menor, como, por exemplo, a sonorización e a fricativización das oclusivas. A debilitación dunha consoante pode facer que desapareza. Sincronicamente, o galego presenta alternancia entre as realizacións oclusivas sonoras [b], [d] e [g], que se presentan despois dunha pausa e dunha consoante nasal, e as realizacións fricativas sonoras correspondentes [β], [ð] e [γ], que se recollen nos demais casos.

1. Acción de decapitar.

2. Forma de execución da pena de morte que consiste en cortarlle a cabeza ao condenado. Antigamente, era o método máis empregado para executar os nobres ou señores, porque se consideraba non infamante.

3. Fenómeno mediante o que un río captura ou asimila a cabeceira ou o curso alto da conca doutro río.

1. Acción e efecto de delimitar.

2. 1. Conxunto de accións derivadas da facultade que teñen os propietarios para clarificar os límites dos seus terreos cos limítrofes dos seus veciños.

   2. delimitación administrativa

      Procedemento mediante o que a Administración pública determina os límites do dominio público ou privado. Esta actuación só establece estes límites, pero non resolve problemas de propiedade.