"Rhode" (Contén)

CIDADES

Cidade fundada polos gregos rodios na costa de l’Empordà, e que se corresponde coa actual Roses. Perdurou despois como cidade romana, tivo un momento de esplendor durante o s IV e máis tarde decaeu e foi dominada por Empúries. O último testemuño da antiga cidade son algunhas cuñaxes monetarias de época visigoda.

PERSOEIRO

Colonizador inglés. En 1870 emigrou por razóns de saúde á África do Sur. Representante do capitalismo colonial británico, foi elixido deputado ao parlamento do Cabo (1881) e desde o seu escano esixiu a expansión inglesa cara ao interior. En 1890 converteuse en primeiro ministro do Cabo e esforzouse por conciliar os intereses británicos cos dos bóers pero a resistencia destes a federarse co Cabo enfrontouno diretamente con Transvaal. En 1896 fracasou unha expedición británica e tivo que dimitir.

REXIÓNS

Rexión de África meridional, dividida actualmente entre os estados de Zambia (antiga Rhodesia do Norte) e Zimbabwe (antiga Rhodesia do Sur). Habitada inicialmente por unha poboación paleolítica de orixe khoikhoi, tivo unha notable industria metalúrxica, ouro e ferro, perfeccionada por novas técnicas achegadas por tribos negras bantús no primeiro milenio. No s XVI o primeiro reino do interior era o dos shonas, situado ao sur, que procedían do sur do actual Zimbabwe, do val do Limpopo. Emigraron cara ao norte a causa do esgotamento das minas de sal e fundaron un reino no val do Zambeze e no altiplano rodesiano. O reino monomotapa comerciou directamente cos portugueses da costa a través dos seus reinos tributarios no val baixo do Zambeze, mentres que o dos changamiras e o do lundas, na outra beira do Zambeze, fíxoo cos shonas. Este comercio proporcionou a todo o territorio unha etapa de prosperidade. Gonçalo da Silveira, misioneiro portugués, bautizou o rei monomotapa, pero o reino non se...

TERRITORIOS

Territorio comprendido entre o río Zambeze e o alto Katanga, con Angola ao O e os lagos Tangañika e Nyasa ao NL e ao L e Moçambique ao SL. Foi colonizado pola British South African Company e pola African Lakes Company. Entre 1953 e 1963 estivo federada con Rhodesia do Sur e Nyasalandia e en 1964 proclamou a súa independencia baixo un réxime africano. Inmediatamente cambiou o seu nome polo de Zambia.

TERRITORIOS

Territorio comprendido entre os ríos Limpopo e o Zambeze e entre o protectorado de Bechuanalandia (actual Botswana) e Moçambique. Foi colonizado pola British South African Company de C. J. Rhodes entre 1889 e 1923. Foi colonia británica ata 1953, cando se federou con Rhodesia do Norte e Nyasalandia ata 1963. En 1965 declarouse independente, proclamouse república en 1970, en 1979 tomou o nome de Zimbabwe-Rhodesia e en 1980 adoptou o nome de Zimbabwe.