Código Teodosiano

Compilación de constitucións imperiais romanas promulgada por Teodosio II e Valentiniano III ata o ano 438, e para a metade occidental do Imperio. Composto por dezaseis libros divididos en títulos, tiña unha finalidade docente, pero tamén se empregou como base lexislativa na interpretación do ius e da lex. Consérvase dun xeito fragmentario a través do Breviario de Alarico e da Lex Romana Visigothorum. Tentaba ser o mellor exemplo na tendencia oficial cara a unha estabilización do dereito romano, que culminou con Diocleciano. Foi derrogado a comezos do s VI polo Emperador Xustiniano.