Código Hermoxeniano

Colección privada de constitucións imperiais romanas aparecidas entre o 292 e o 295. Realizada polo xurista Hermóxenes, supón unha actualización do Código Gregoriano. O texto inclúese na tendencia para a estabilización do dereito romano, que culminou con Diocleciano e que responde á necesidade de facilitar un instrumento de emprego doado para os que practicaban o dereito. Coñécese por fragmentos e citas doutras obras.