colgar

Colocar algo ou a alguén sosténdoo por unha parte sen que a inferior teña ningún apoio.

Suspender unha persoa ou animal dunha corda ou doutro obxecto semellante que se coloca arredor do pescozo para que morra.

Cortar a comunicación telefónica colocando o auricular no seu soporte. Ex: Cando te chame, colga o auricular. OBS: O complemento pode ser a persoa coa que se fala e nese caso o verbo adquire réxime intransitivo Ex: Colgueille e non o quixen escoitar máis.

Abandonar unha actividade ou profesión. OBS: A actividade ou profesión aparece indicada cun substantivo relacionado co seu desempeño Ex: Colgou os hábitos (a vida relixiosa). Colgou as botas (o fútbol).

Atribuír a alguén con intención difamatoria unha cousa que non fixo, que non dixo ou que non lle corresponde.

Estar algo ou alguén suxeito nun sitio por unha parte quedando libre pola inferior.

Colocar colgaduras. Ex: Colgou nas paredes do salón as colgaduras que lle regalaran.

Ter unha peza de roupa unha parte máis longa ca outra. Ex: Esa saia cólgache un pouco pola dereita.

Colocarse nun sitio suxeito por unha parte sen que a parte inferior teña apoio.

Matarse unha persoa suspendéndose dunha corda ou doutro obxecto semellante colocado arredor do pescozo.

Bloquearse o funcionamento dun ordenador. Ex: Cando se colgue o ordenador apágao e volve acendelo.