combate

1. s m

   1. Acción de combater.

      Ex: O combate contra a enfermidade durou moito tempo.

   2. Acción de guerra na que un exército ou un grupo de soldados se enfronta con armas a outro inimigo para vencelo. Desenvólvese en fases sucesivas e a decisiva é o asalto. Unha batalla componse dun conxunto de combates particulares.

      Sinónimos: lide.

   3. Enfrontamento corpo a corpo entre dúas persoas, especialmente nun deporte.

      Ex: Imos asistir a un combate de pesos pesados no pavillón.

      Sinónimos: lide.
2. s m

   Conflito no que se opoñen forzas ou persoas de forma non violenta.

   Ex: O noso partido saíu vencedor do combate parlamentario.

3. s m

   Loita do ánimo ou do pensamento dunha persoa.

   Ex: Despois dun duro combate interior rompeu lazos coa comunidade relixiosa.

Frases feitas

• Fóra de combate. 1 Sen posibilidade de seguir combatendo.

• 2 Sen forzas para facer ningunha tarefa.