compresión

Acción e efecto de comprimir ou comprimirse.

Tecnoloxía desenvolvida para paliar o defecto do gran volume que ocupan os alimentos conservados por deshidratación.

Operación de comprimir, mediante prensas especiais, granulados ou pos que conteñen produtos farmacoloxicamente activos, xunto con outros, denominados excipientes, que se engaden para facilitar a operación ou o uso posterior do comprimido resultante.

Tempo do ciclo do motor nos motores alternativos, no que o pistón comprime a mestura (motores de encendido por chispa) ou o aire (motores de encendido por compresión). Nos turborreactores, a compresión do aire realízase mediante un compresor centrífugo.

Esforzo ao que se somete unha peza pola acción de dúas forzas aplicadas na mesma dirección pero en sentido oposto e tendendo a xuntar as partículas. Xeralmente, os materiais que seguen a lei de Hooke para certos esforzos de tracción compórtanse dunha maneira análoga na compresión. A ruptura de moitos materiais sometidos a compresión, especialmente os que teñen as dimensións lonxitudinais bastante máis grandes cás transversais, prodúcese por dobramento para un esforzo inferior ao correspondente de resistencia á compresión.

Proba na que se somete unha probeta dun material a un esforzo de compresión. Utilízase pouco porque se pode substituír en bastantes casos polo de tracción e porque é difícil producir o esforzo tan elevado que adoita requirir a destrución da probeta. Faise xeralmente coa máquina universal de ensaio, axustando o dispositivo axeitado, e con probetas cilíndricas de altura entre 2,5 e 3 veces o diámetro. Pódense obter magnitudes análogas ás do ensaio de tracción: resistencia á compresión como cociente entre a carga de ruptura e a sección da probeta, contracción lonxitudinal como cociente entre a diferenza das lonxitudes inicial e final e a lonxitude inicial, etc.