concesivo -va

Que expresa unha oposición ou unha restrición.

Conxunción que introduce a cláusula que indica unha oposición á acción que se vai levar a cabo, pero que non impide a súa realización. En galego son conxuncións concesivas así e anque, pero tamén se distinguen locucións concesivas (ou conxuncións concesivas complexas) que desempeñan a mesma función; entre elas, malia que, aínda que, mesmo que.

En certas linguas, como o latín, subxuntivo usado nunha proposición subordinada para darlle valor de concesiva e que se usa para conceder algo ao receptor ou supor algo: ne sit sane summum malum dolor, malum certe est ‘aínda que a dor non sexa o mal supremo, certamente é un mal’.