convulsión

Contracción violenta, involuntaria e patolóxica dos músculos esqueléticos, que determina movementos irregulares localizados nun ou en distintos grupos musculares, ou ben xeneralizados por todo o corpo. Denomínase convulsión tónica cando a contracción é continuada e produce unha paralización da zona afectada, e convulsión clónica cando alterna as contraccións de grupos musculares, a miúdo antagonistas, e produce movementos desordenados. Algunhas convulsións reciben o nome da enfermidade que as produce, como as epilépticas, as histéricas ou as tetánicas.

Alteración violenta da orde establecida nunha sociedade.

Sacudida da terra ou do mar por mor dun fenómeno sísmico.