Costas

Forma plural correspondente ao apelido galego Costa. Como apelido documéntase moi tarde, no s XVIII: “Juan Lorenzo Costas” (doc ano 1752 en Santiago 1752 según las Respuestas Generales del Catastro de Ensenada, p 114); sen embargo, como alcume atéstase xa no s XIII: “Petro Perez dito Costas” (doc ano 1280 en Clarinda de Azevedo Maia, História do galego-português. Estado linguístico da Galiza e do Noroeste de Portugal do século XII ao século XVI, 1986, p 187).

Liñaxe que trae como armas, en campo de prata, unha árbore de sinople, terrazada do mesmo metal e acompañada de dous lobos erguidos cara á súa copa.