crer

1. v t

   Admitir algunha cousa como verdadeira sen sabelo dunha forma directa. Na tradición oral recóllense ditos como: “Non creas a metade do que vexas; e da metade do que vexas, a metade non a creas”.

   Ex: Cre todo o que lle contan.

   Antónimos: dubidar. Confrontacións: aceptar, admitir.
2. v t

   Considerar a alguén como veraz naquilo que di.

   Ex: Nunca o cren porque é un mentireiro.

3. v t

   Pensar que algo é probable, pero sen sabelo con seguridade.

   Ex: Cre que chegará mañá.

   Sinónimos: coidar.
4. v t

   Estar convencido de algo.

   Ex: Creo que fixo mal en despedilo desa forma.

   Sinónimos: coidar, considerar, estimar, xulgar.
5. v i Antónimos: desconfiar, renegar.

   1. Pensar que existe certa cousa.

      Ex: É unha persoa que cre nas supersticións.

      Antónimos: desconfiar, renegar.

   2. Ter fe relixiosa.

      Ex: Nunca creu en Deus aínda que llo quixeron inculcar dende pequeno.

6. v i

   Ter confianza na eficacia dunha cousa ou de alguén ou na posibilidade de que aconteza algo. OBS: Nas acepcións intransitivas emprégase coa preposición en.

   Ex: Creu sempre na bondade da humanidade.

Frases feitas

• Crer a cegas/a ollos pechados/a pés xuntos/a pé fixo. Tomar unha cousa como verdadeira sen ningún tipo de desconfianza.

• Xa cho creo! Expresión que se usa para dar asentimento de forma enfática.

Refráns

• Non creas ao que vén da acea, senón ao que volve a ela.