cruzar

1. v t

   Poñer dúas cousas ou unha cousa sobre outra en forma de cruz.

   Ex: Torceu o fociño e cruzou os brazos sen dar máis explicacións.

2. v t

   Pasar dun lado ao outro dunha cousa ou dun lugar.

   Ex: Cruza a rúa cando non veñan coches. Cruzamos a praza nunha carreiriña dun can. Para ir a Cangas e Moaña cruzamos a ponte de Rande.

   Sinónimos: atravesar.
3. v t

   Xuntar dous individuos xenotipicamente distintos co fin de que se reproduzan sexualmente.

   Ex: Cruzaron unha egua británica cun cabalo andaluz.

4. v t

   Intercambiar aquilo que se expresa con alguén.

   Ex: Cruzaron moitas mensaxes cando estaban fóra.

5. v t

   Poñer algo de xeito diagonal nun lugar.

   Ex: Cruzou varios paos na entrada da horta para que non pasasen as galiñas.

   Sinónimos: atravesar.
6. v t [MAR]

   Navegar en todas as direccións dentro dun espacio determinado para protexer o comercio, bloquear unha costa, vixiar ou outros fins.

7. v t [INFORM]

   Combinar informacións de dúas ou máis bases de datos con aspectos en común, coa finalidade de comprobar se coincide o almacenado nunha parte co gardado na outra, ou realizar calquera outra operación que remate cunha selección de parte dos datos, por exemplo, unha listaxe de persoas para incluír nun envío masivo de correo.

8. v pron

   Interpoñerse algo dun lado a outro.

   Ex: Cruzóusenos un tractor nunha curva e saímos da estrada.

9. v pron

   Atoparse nun punto persoas ou cousas que van polo mesmo camiño en distinta dirección.

   Ex: Cruceime co meu mestre de galego na rúa.

10. v pron

    Xuntarse nun punto dúas liñas ou dous camiños.

    Ex: Neste punto crúzanse varias rutas.

11. v pron

    Intercambiarse dúas persoas entre si ou con outra aquilo que se expresa.

    Ex: Cruzáronse unhas miradas matadoras.

Frases feitas

• Cruzar os brazos. Permanecer indiferente ante unha situación determinada.