² decano -na

Que ou quen é o membro máis antigo ou máis vello dun grupo ou colectividade.

Membro dunha corporación ou profesor dunha facultade universitaria, elixido ou designado para presidila.

Presbítero que ten ao seu cargo unha circunscrición diocesana equivalente ao arciprestado, por delegación do bispo. A partir do concordato de España coa Santa Sé de 1851, polo que se crearon novos arciprestados, o nome de decano reservouse para as antigas circunscricións diocesanas.

Dignidade do cabido dunha catedral ou colexiata que comporta o dereito de presidencia.

Cardeal máis antigo, por consagración episcopal, entre os cardeais-bispos, e titular da súa suburbicaria de Ostia.