desigual

1. adx Antónimos: igual.

   1. Que non é igual a outra cousa.

      Ex: Partiuno en anacos desiguais.

      Antónimos: igual.

   2. Que se opón polas súas diferencias.

      Ex: Non se deu conta e puxo dous calcetíns moi desiguais.

      Sinónimos: diferente, dispar.
2. adx

   1. Que amosa ou implica variacións ou cambios.

      Ex: O tempo desta semana é moi desigual, primeiro chove e logo vai sol. A traxectoria dalgúns artistas é moi desigual.

   2. Que presenta distintos niveis ou irregularidades.

      Ex: O terreo polo que andaban era moi desigual. A costa galega é desigual.

   3. Que non resulta equitativo.

      Ex: A repartición das axudas entre as distintas partes foi desigual. O trato desigual entre os alumnos provocou a sentada.

      Antónimos: igual.
3. adx

   Que presenta desproporción ou non gardan equilibrios as partes que o compoñen.

   Ex: A pelexa converteuse nun combate desigual.

   Antónimos: igual.

Refráns

• A uns, moito; e a outros, nada.
• Así o mundo vai andando: uns rindo e outros chorando.
• Entre o rato e o león non hai comparación.
• Este mundo é un ha casa de tolos: cantan uns e choran outros.
• Non se pode medir todo por un igual.
• Se a ola dá escontra a pedra, o peor será para ela.
• Uns en boa cama e outros en mala, todos igual che gamos á alba.
• Uns nacen para moer e outros para ser maídos.