despachar

1. v t

   Resolver ou solucionar un asunto de maneira rápida e con falta de detalle.

   Ex: Imos despachar este asunto nun intre. Espérame un segundo que despacho isto axiña e xa vou.

2. v t

   Rematar un negocio, un asunto ou unha tarefa.

   Ex: Levamos xa dous días con el pero non conseguimos despachar este asunto.

   Sinónimos: acabar. Confrontacións: concluír, rematar, resolver.
3. v t

   Dar curso oficial a algo.

   Ex: Hoxe despachamos todos os expedientes atrasados. Normalmente o correo está despachado ás nove da mañá.

4. v t

   Tratar un negocio ou asunto con alguén.

   Ex: O avogado estivo toda a mañá despachando eses asuntos co seu axudante. OBS: Nalgunhas construcións omítese o complemento e adquire valor absoluto. Ex: Os sábados o alcalde despacha de nove a dúas.

5. v t

   Enviar algo ou a alguén a un lugar determinado.

   Ex: Despachouno a correos para recoller a mercadoría.

6. v t

   Despedir ou desfacerse de alguén.

   Ex: Despachouno da oficina sen darlle explicacións. Fun falar con el pero despachoume sen que puidese dicir unha palabra.

   Confrontacións: expulsar.
7. v t

   Matar ou eliminar a alguén.

   Ex: Despachouno coa tunda que lle deu.

8. v i

   1. ender directamente ao público xéneros ou mercadorías nun establecemento.

      Ex: Neste local despachan produtos de Asturias. Nalgunhas construcións omítese o complemento e adquire valor absoluto. Ex: O rapaz do Manolo os domingos xa despacha el só.

      Sinónimos: vender.

   2. Atender a un cliente.

      Ex: Nesa tenda sempre me despachan dunha forma moi groseira.

9. v pron

   Dicir unha persoa a outra todo o que lle apetece, con total liberdade e sen reservas.

   Ex: Despachouse a gusto coa profesora cando a viu pola rúa.

Frases feitas

• Despachar deste mundo. Administrar o sacerdote os sacramentos.