acabar

1. v t

   Levar á fin unha cousa comezada.

   Ex: Catro anos despois acabou a carreira.

   Antónimos: comezar, empezar, iniciar, comezar, empezar.
2. v t

   Non deixar nada dalgunha cousa.

   Ex: Acabaron a froita e non puideron mercala ata a semana seguinte.

   Sinónimos: esgotar, terminar.
3. v t [IND]

   Someter os tecidos ás operacións de acabado.

4. v i

   Chegar a unha situación determinada.

   Ex: Acabaron por deixar de falarse.

5. v i

   Chegar, alguén ou algunha cousa, á súa fin.

   Ex: Isto xa non ten traza, acabou, non vou seguir sendo o teu monicreque.

6. v t

   Romper unha relación, de calquera tipo, que se mantiña con alguén.

   Ex: Acabaron porque se odiaban mutuamente.

7. v i

   Pór fin a algo. OBS: Vai seguido da preposición con.

   Ex: Acabaremos con estes problemas se tomamos a decisión de non admitir a ninguén máis no club.

8. v i

   Ter fin.

   Ex: A leira acaba aquí. O teu problema vaise acabar cando asumas as túas responsabilidades.

   Sinónimos: concluír, rematar, terminar, finalizar. Antónimos: comezar, empezar, iniciar, principiar, comezar, empezar.
9. v pron

   Estar esgotada algunha cousa.

   Ex: Acabouse o azucre.

Frases feitas

• Acabar coa casa. Arruinar.

• Acabar de + infinitivo. Perífrase verbal que indica que a acción expresada polo verbo auxiliado aconteceu hai moi pouco tempo. Ex: Cando chegamos á estación o tren acababa de partir.

• Acabaramos! Expresión que se emprega como resposta á aclaración dunha dúbida.

• Acabarlle coa paciencia a un santo. Desesperar a alguén.

• Acabouse o conto. Expresión que se utiliza para dar por terminada unha conversa ou asunto que desagrada ou impacienta.

• Cousa de nunca acabar. Cando algo é interminable e non dá chegado á súa fin.

• Non acabar de. Non conseguir algo.

• Acabar co mar a paos. Que é unha persoa moi preguiceira.

• Acabar nunha hucha de pao. Morrer.

• Acabar vendo a Deus polo cu dunha agulla. Dise cando se pode dar a posibilidade de que algo empeore ata unha situación límite.

• Acabarlle co xenio a un. Desacougar a alguén.

• Acabarse a candea. Chegar a morte dun momento a outro.

• Acabarse o pan da voda. Cando unha parella deixa de lado o apaixonamento e só se preocupa do cotiá.