Díaz, David

Sindicalista libertario de orixe galega. Despois de viaxar por Cuba e Norteamérica durante a Primeira Guerra Mundial, regresou a Vigo en 1919, onde intentou levar adiante, sen logralo, os xornais El Látigo e El Combate. Trasladouse á Coruña e participou na campaña para a consecución dun Sindicato Único. Posteriormente, tomou parte na enquisa anarquista iniciada en 1927 polo grupo “Los Iconoclastas” de Steuvenville (Ohio, EE UU), alentado polo galego Xosé Lóuzara e en colaboración doutras figuras, como Paul Reclús ou Federica Montseny.