Digno/Digna

Antropónimo derivado do adxectivo latino dignus ‘digno’, de carácter augural, que xa se rexistra entre os romanos funcionando como cognome. A forma feminina presenta a variante Dina. Santa Digna é unha virxe e mártir cordobesa do s IX. Na iconografía leva vestiduras monacais, sen ningún atributo persoal; só a palma do martirio ou un coitelo, instrumento da súa execución. A súa festividade celébrase o 14 de xuño.