divisionismo

Técnica e método pictórico que obtén os efectos cromáticos mediante a aplicación de pequenos trazos ou puntos, e non con empastes e mesturas da cor. O efecto de mestura das cores prodúcese ao observar o cadro a unha certa distancia. Acádase entón unha maior luminosidade e brillo. O seu desenvolvemento foi obra de Seurat e dos neoimpresionistas que preferiron este termo ao de puntillismo, empregado pola crítica e pola historia da arte.

Movemento pictórico italiano que se estendeu entre a derradeira década do s XIX e a primeira do s XX. Versión do neoimpresionismo francés, foi unha das fontes do futurismo.