Doríforo

Estatua de bronce feita por Policleto. Coñécese como o canon, xa que o escultor se propuxo con el dar un esquema das proporcións perfectas do corpo humano, modulado pola cabeza, que tiña que ser sete veces menor ca a altura total da estatua. A obra, realizada na metade do s V a C, coñécese a través de copias romanas e bronces helenísticos. Representa o atleta en actitude de avanzar pero coa estabilidade do movemento en potencia.