Dorycnium

Xénero de plantas da familia das fabáceas, perennes de base leñosa, con follas sésiles imparipinnadas, con folíolos oblongos de ata 20 mm de lonxitude e 3 de ancho. As flores son brancas e están agrupadas no extremo dun pedúnculo. En Galicia están presentes as especies: D. pentaphyllum, de flores de 6 mm, que dan lugar a froitos en legumes globulosos de ata 5 mm de diámetro, propia de terreos ermos ou pedregosos; e D. rectum, de flores de 6 mm e legumes cilíndricos de ata 2 cm propia de medios húmidos do leste do país.