Duca

Liñaxe de orixe grega que se estableceu en Moldavia e da que proceden diversos príncipes ou gospodares. Xurxo Duca (?-1683) accedeu ao trono en 1665 e explotou o pobo. Foi destituído en 1666 e, aínda que volveu ao goberno, os turcos encarcerárono (1672) e trasladárono a Valaquia (1674). Regresou ao poder en 1678 e conservouno ata que os polacos o destronaron. O seu fillo Constantino Duca , que tamén foi gospodar en dous períodos (1693-1696 e 1700-1704), continuou co goberno despótico.