Eco Franciscano, El

Revista de tendencia católica publicada en Santiago de Compostela a partir do 15 de maio de 1884, na conmemoración do VII centenario do nacemento de san Francisco. Cesou a súa edición en outubro de 1968, con máis de 1.500 números impresos. Contou coa colaboración de Salvador Cabeza de León, Dolores del Río Sánchez, Manuel Posse, Luciano Piñeiro, Barcia Caballero e Eladio Rodríguez, ademais de frades franciscanos. Seguiu o modelo doutras revistas da comunidade e, ademais de información relixiosa, incluíu artigos sobre filosofía, historia, ética, psicoloxía, etc. No eido literario, cómpre salientar algúns textos en galego e traducións a esta lingua de poemas relixiosos en italiano.