efervescencia

(< lat effervescentĭa)

s f
1. [FÍS/QUÍM]
  Formación de burbullas gasosas no interior dun líquido que saen á superficie e estoupan sen necesidade de aplicación de calor. Este fenómeno prodúcese polo desprendemento de gas disolto no líquido ou ben pola formación deste por reacción química.
  Confrontacións: ebulición.
2. [IND]
  Fenómeno que ten lugar na solidificación do aceiro por mor das burbullas de gas, sobre todo de dióxido de carbono, que quedan atrapadas en forma de poros.
s f
Estado de inquietude ou de grande exaltación ou excitación que presenta unha persoa ou colectividade.

Ex: A efervescencia do público aumentou cando saíu o cantante.

Palabras veciñas