ensamblador -ra

Que ou quen ensambla.

Persoa especializada no deseño, na traza e na execución da parte estrutural dos retablos. Pertenceu ao gremio dos carpinteiros e dende o s XVI á corporación dos entalladores. Diferenciábase destes na formación que adquiría con coñecementos de deseño arquitectónico. Executaba e trazaba as arquitecturas efémeras e as representacións teatrais. Nalgúns documentos denomínanse arquitectos.

Programa que ensambla programas ou partes de programas. Normalmente, tamén traduce a linguaxe da máquina e pode detectar e diagnosticar certos erros sintácticos. Ás veces vai incorporado nun compilador.