enterobacteriáceo -a

Pertencente ou relativo ás enterobacteriáceas.

Bacteria da familia das enterobacteriáceas.

Familia de bacterias Gram-negativas, en forma de bacilos, anaerobias facultativas, fermentadoras de glícidos e non formadoras de esporas. Forman parte da microbiota normal de moitos animais, incluído o ser humano, e tamén se localizan no chan e en medios acuáticos. Inclúe xéneros patóxenos oportunistas como Escherichia, Salmonella ou Klebsiella, e xéneros patóxenos obrigados como Shigella, todos eles causantes de enfermidades intestinais como a disentería bacilar, as febres tifoides e paratifoides e a colite. Comprende outros xéneros característicos como Yersinia, Proteus e Enterobacter.