enxeñeiro -ra

Persoa titulada en enxeñería. O termo enxeñeiro introduciuse orixinariamente relacionado coa invención de artefactos mecánicos para facer a guerra, denominados enxeños de guerra. Cando os dirixentes dos estados procederon a utilizar os enxeñeiros e os principios da enxeñería para crear melloras nos seus territorios, xurdiu a diferenciación entre enxeñeiro civil e enxeñeiro militar. A raíz da Revolución Industrial, os enxeñeiros tiveron que especializarse en campos determinados, evolucionando en función da técnica e das novas necesidades industriais. No ano 1865 expedíronse en Madrid os primeiros títulos de enxeñeiro industrial.

Titulado en enxeñería técnica, que se corresponde coa antiga denominación de perito.