escíncido -da

Relativo ou pertencente aos escíncidos.

Réptil da familia dos escíncidos.

Familia de réptiles escamosos da suborde dos saurios, de corpo cilíndrico e extremidades reducidas ou ausentes, de dimensións pequenas ou medianas, co tronco moi alongado e a cabeza aplanada. Son ovíparos ou vivíparos, especialmente diúrnos e de hábitats moi diversos. A maior parte das especies viven no chan, especialmente en medios areosos, aínda que existen especies arborícolas. Xeralmente son depredadores de invertebrados. Rexistráronse unhas 600 especies, distribuídas principalmente por Europa, Asia, África e, moi localizadamente, Sudamérica. A maior diversidade da familia dáse no sueste asiático, África subsahariana e Australia. A esta familia pertencen os esgonzos.