escoitar

1. v t

   Oír algo con moita atención. Na tradición oral recóllense ditos como: “Quen escoita, mal de si ouza. Quen escoita, o seu mal oe. Escoita ben á vella, e rite do seu consello. Co moito escoitar e co pouco falar, boa fama podes ganar. Escoita e pensa antes de falar, se non queres errar e queres acertar”.

   Ex: Escoitaba detrás da porta o que dela falaban.

2. v t

   Oír ou percibir algo ou a alguén polo oído.

   Ex: Escoitouno chegar aínda que tentou non facer ruído.

   Sinónimos: sentir.
3. v t

   Atender a un aviso, rogo, argumento ou consello de alguén.

   Ex: Fai o que lle dá a gana: non escoita a ninguén. Para que haxa un acordo, cómpre que a empresa escoite os traballadores.

Frases feitas

• Escoita que chove! Aplícase cando alguén esaxera moito.