eslora

(< neerl sloerie, de sloeren‘medir un barco’)

s f [MAR]
Lonxitude que ten unha embarcación de proa a popa e que se mide polo seu interior dende a cuberta.
eslora entre perpendiculares [MAR]
Distancia comprendida entre as perpendiculares de proa e de popa; é dicir, lonxitude do buque medida no plano lonxitudinal entre as perpendiculares que pasan pola intersección da flotación co perfil diametral exterior da roda e coa cara de popa do codaste.
eslora na flotación [MAR]
Lonxitude do buque medida no plano de flotación, entre os puntos onde este corta a roda e a popa.
eslora total/máxima [MAR]
Distancia comprendida entre o coroamento de popa e a parte alta da roda de proa.

Palabras veciñas