estudio

1. s m

   Acción de estudiar.

2. s m pl

   1. Conxunto de cousas ou aspectos que se estudian dunha materia.

      Ex: Realizou estudios no eido da antropoloxía.

      Confrontacións: investigación.

   2. Conxunto de materias que se estudian nunha determinada especialidade ou nivel.

      Ex: Cursou os estudios de secundaria.

3. s m

   Coñecemento ou experiencia nunha ciencia, arte ou profesión, que se adquire mediante o estudo ou os exercicios prácticos.

   Ex: Malia súa mocidade, ten moitos estudios.

4. s m

   Obra ou traballo en que se estudia un asunto determinado.

   Ex: Fixo un estudo sobre as praias galegas.

   Sinónimos: investigación.
5. s m

   1. Cuarto ou piso en que se realizan actividades intelectuais ou profesionais, especialmente artísticas.

      Ex: As súas fotografías realizounas no estudio.

   2. Apartamento pequeno, normalmente dun só cuarto.

      Ex: Alugou un estudo durante o verán.

   3. Cuarto dunha casa en que se estudia ou se realizan actividades de carácter profesional.

      Ex: Instalaron un ordenador no estudo dos rapaces.

   4. [IMAX]

      Edificio debidamente acondicionado para realizar actividades cinematográficas de rodaxe ou dobraxe. OBS: Adoita empregarse en plural.

   5. [COMUN]

      Lugar onde se conciben as ideas e creacións publicitarias.

6. s m

   Representación gráfica ou escultórica que se realiza como exercicio ou ensaio antes da obra definitiva.

   Ex: Fixo un estudo das sombras antes de pintar o cadro.

7. s m [MÚS]

   Peza musical concibida para destacar o dominio técnico dun instrumento ou da voz. Destacan os de piano de Clementie Czerny e os de violín de Paganini.

8. [EDUC]
   1. s m

      Lugar en que se ensina, especialmente gramática.

   2. estudio xeral

      Centros universitarios que naceron e se espallaron por Europa nos ss XII e XIII. Naquel momento reservábase a denominación de universidade para unha agrupación/agremiación de profesores, ou ben de estudiantes asistentes ao Estudio Xeral. A partir do s XV pasou a ser habitual denominar o Estudio Xeral tamén como universidade, denominación que finalmente se impuxo durante o s XVIII. O Estudio Xeral estaba capacitado para outorgar títulos con validez recoñecida para todos os centros similares da coroa, en caso de creación real, e para todo o mundo cristiá, en caso de confirmación mediante bula papal. Os estudios xerais de maior interese histórico europeo foron, entre outros, os de Boloña, Oxford, Montpelllier, París, Salamanca (1218) e Salerno. O Estudio Xeral compostelán recibiu o impulso definitivo para a súa creación a través do arcebispo Alonso de Fonseca III en 1526.

9. estudio de impacto ambiental [XEOG]

   Estudio técnico de carácter interdisciplinario que, incorporado no procedemento da Avaliación do Impacto Ambiental, destínase a predicir, identificar, valorar e corrixir as consecuencias ou efectos ambientais que determinadas accións poidan causar sobre a calidade de vida do home e do medio ambiente.

10. estudios de liña de base [XEOG]

    Consiste nun diagnóstico situacional que se realiza para determinar as condicións ambientais dunha área xeográfica antes de executarse o proxecto, inclúe os aspectos bióticos, abióticos e socioculturais do ecosistema.

11. estudio do desprazamento ó vermello [ASTRON]

    Sistema de medición directa da velocidade de afastamento das galaxias. Baséanse na lei de Hubble, na que a velocidade de desprazamento ao vermello obtense medindo o seu espectro de luz; deste xeito é posible ver cál é o grao de desprazamento das súas cores.

Refráns

• Aprendiz de moito, mestre de nada.
• Ninguén naceu sendo un mestre.
• O que burro vai a Roma, burro vén á volta.
• O que estudia poderá non saber, pero o que non estudia mal pode saber ler.
• O que ha ser bacharel, algo ten que aprender e algo ten que saber.
• Sufre por saber e traballa por ter.