Eusko Alkartasuna

Partido vasco creado en 1986, a partir da escisión no EAJ-PNV dun sector liderado por Carlos Garaikoetxea. En Euskadi e Navarra, nas eleccións de 1986 e nas de 1990, converteuse na cuarta forza en ambos os parlamentos autonómicos. Nas eleccións vascas de 1998 entrou no goberno de J. J. Ibarretxe, iniciando un proceso de achegamento a EAJ-PNV, co que se presentou en coalición nas eleccións de 2001. A partir de 1999 presidiuno Begoña Errazti.