Euskaltzaindia

Institución creada en 1918 por Resurreción María de Azkue, Arturo Campion, Luis de Eleizalde e Julio Urquijo, coa finalidade de estudar e estruturar a lingua vasca. Publicaban a revista Euskera, basicamente de temas filolóxicos e de problemas lingüísticos. Responsabilizouse da organización de congresos e de actos culturais encamiñados ao fomento e difusión da lingua vasca, e unificou a lingua literaria. Concedía anualmente os premios Lizardi de poesía, Xenpelar de poesía popular, Domingo Aguirre de novela e Toribio Alzaga de teatro. Está composta por vinte e catro membros titulares e mais outros membros correspondentes e de honor.