Federación de Trabajadores de la Región Española

Federación constituída en 1881. De tendencia bakuninista na súa orixe, dividiuse en dúas correntes: a anarcocolectivista e a anarcocomunista ou comunista libertaria, que se opoñía á creación de sindicatos e propugnaba a formación de grupos de afinidade ideolóxica que se desentendesen da loita laboral para combater incluso violentamente a sociedade burguesa. En 1882 concorreron ao II Congreso da Federación 914 afiliados galegos, pertencentes ás 8 seccións da Federación Local Obreira (FLO) coruñesa, ás 4 seccións viguesas e ás 8 de Lugo.