ferreiro -ra

Persoa que traballa o ferro, fabricando ou reparando obxectos feitos con este material. Acostuma arranxar moitas pezas, que antes facía el, como afiar picos ou gobernar arados e fechaduras. Para o seu traballo precisa ferramentas como as tenaces, para coller o ferro; o martelo, para bater; o punzón e o berbequí, para furar, e outras máis correntes como o serrón, a trencha e o cepillo. Na nosa terra este oficio conta cunha longa tradición e mesmo nalgúns sitios podemos encontrar ferreiros especializados en determinadas pezas. Na tradición oral recóllense ditos como: “Coma o ferreiro da maldición, que cando ten ferro non ten carbón. De ferreiro a ferreiro non pasa diñeiro. Na casa do ferreiro, coitelo de pao, na do carpinteiro, sentarse no chan. Na casa do ferreiro, non tentar, e na botica non probar”.

ferreiriño.

Denominación popular que reciben os peixes da familia dos ráxidos.